It-tim nazzjonali tal-Malta Pickleball se jkun fl-azzjoni fil-Kampjonati Internazzjonali tal-Pickleball li għandhom isiru f’Ruma. Din se tkun it-tieni esperjenza internazzjonali għas-selezzjoni Maltija. Il-Kampjonati Internazzjonali Pickleball se jsiru bejn is-6 u t-8 ta’ Mejju.
Is-selezzjoni Maltija se tkun magħmula minn Steffi Pace u Roberta Girard fid-doubles tan-nisa , Joseph Borg u Malcolm Falzon fid-doubles tal-irgiel u Maja Glumac u Mark Anastasi fil-mixed doubles.
Fl-ewwel esperjenza internazzjonali fl-Open ta’ Spanja, fid-doubles tal-irġiel intermediate, Mark Anastasi u Tony Thompson kienu spiċċaw fit-tielet post, fid-doubles tan-nisa livell avanzat, Steffi Pace u Roberta Girard temmew fit-tieni post filwaqt li fil-mixed doubles Steffi Pace u Malcolm Falzon kienu waslu sal-kwarti finali.
