L-MCAST nedew prospectus għas-sena akkademika li jmiss fejn fost l-oħrajn se jinkludi sitt courses ġodda.
Dawn il-courses huma għal min jixtieq jistudja bħala Dental Surgery Assistant, Cabin Crew, u Social Care, fost l-oħrajn.
Il-prospectus, li jikkonsisti f’190 course full-time, fih courses li jvarjaw mill-iktar livell bażiku għal-livell ta’ Masters.
Matul it-tnedija, numru ta’ studenti u eks-studenti qasmu l-vjaġġ edukattiv tagħhom f’dan il-kulleġġ… vjaġġ li jwassal biex wieħed fl-aħħar mill-aħħar jidħol fid-dinja tax-xogħol.
ll-Prinċipal tal-MCAST saħaq li l-kulleġġ jaħdem biex jassigura li l-istudenti jgawdu minn esperjenza tax-xogħol waqt li jistudjaw. Hu għalhekk li qed joffru prospectus biex jgħinu lill-istudenti jagħżlu l-pass ‘il quddiem għall-karriera futura tagħhom, liema għażla mhux dejjem tkun faċli.
