Il-Qorti sabet lill-eks Viċi Sindku Laburista tax-Xgħajra Neil Attard ħati li ffastidja lill-eks-sieħba tiegħu meta fl-2015 bagħatilha madwar 46,000 messaġġ fuq Facebook, iżda lliberatu li heddidha u li uża ħażin tagħmir tat-telekomunikazzjoni.
Attard ta’ 39 sena, li minn dakinhar tkeċċa mill-Partit Laburista, kien ġie mixli b’użu ħażin ta’ tagħmir elettroniku tat-telekomunikazzjoni f’każ wieħed u li għamel theddid permezz ta’ network ta’ telekomunikazzjoni elettronika fl-ieħor. Huwa kien akkużat ukoll b’fastidju u li wettaq aktar reati waqt li kien taħt sentenza sospiża.
Il-Qorti kienet semgħet lill-mara tixhed li rċeviet valanga ta’ telefonati u talbiet ta’ messaġġi online minn numru tal-mobile irreġistrat f’isem Ħ’Attard. Il-komunikazzjonijiet laħqu l-ogħla livell bejn Settembru u Novembru 2015, iżda t-theddid kien beda f’Mejju, waqt li qalet lill-Qorti li Attard se jistenna wara l-bieb ta’ barra tagħha.
Għalkemm ma sar l-ebda theddid espliċitu, f’uħud mill-messaġġi skambjati bejnu u l-mara, huwa kien qal li kien se jpattiha lill-mara. Il-Qorti kienet semgħet ukoll lill-Ispettur tal-Pulizija Sylvana Gafa’ tixhed kif, waqt l-interrogazzjoni tiegħu, l-akkużat kien ammetta li bagħat il-messaġġi u għamel is-sejħiet, u sostna li għamel dan “għax kien iħobbha”.
Iżda wara li eżaminat il-każistika rilevanti, il-Maġistrat Caroline Farrugia Frendo, li ħadet il-każ mingħand il-maġistrat Saviour Demicoli, innotat li l-għan tal-artiklu mill-Att dwar il-Komunikazzjoni Elettronika, li taħtu nħarġet waħda mill-akkużi, kien “li ma jinħoloqx jew jikkastiga b’modi aktar ħorox reati kriminali li jinstabu f’liġijiet oħra, iżda li jseħħu permezz ta’ tagħmir tat-telekomunikazzjoni, iżda biex jipprevjenu abbużi ta’ komunikazzjoni elettronika li huma ta’ natura teknika.”
“Fil-każ inkwistjoni, il-prosekuzzjoni qed tallega li l-akkużat uża mezzi elettroniċi, mowbajl u l-internet biex iddejjaq, joffendi u jhedded” lill-mara u lil ‘żewġha’. Fid-dawl tat-tagħlim u l-ġurisprudenza kkwotati… l-ewwel akkuża ma teżistix”
Fuq l-akkuża ta’ fastidju, il-prosekuzzjoni kienet esebit logs tat-telefonati li juru biċ-ċar li l-mara u s-sieħeb il-ġdid tagħha rċevew diversi messaġġi u telefonati. Iżda, qalet il-qorti, fil-każ tas-sieħeb, il-prosekuzzjoni kienet naqset milli tipprova min kien is-sid tan-numri tat-telefon minn fejn oriġinaw it-telefonati u l-messaġġi.
Għalkemm il-prosekuzzjoni ma kinitx sejħet rappreżentant tan-network provider, il-qorti kienet irnexxielha tidentifika n-numru tal-akkużat mir-rapport tal-Pulizija mressaq mill-vittma. “Il-volum ta’ messaġġi li l-akkużat bagħat bla dubju ħoloq fastidju, peress li b’mod ossessiv bagħatha l-messaġġi kontinwament.” Sabittu ħati tal-akkuża ta’ fastidju, il-Qorti obbligat lil Attard, taħt garanzija ta’ €20,00, biex ma jikkuntattjax lill-mara jew lill-eks żewġha għal sena.
Huwa ġie lliberat mill-akkużi l-oħra kollha
Attard kien illiberat mill-akkużi kollha fi proċeduri separati relatati mal-allegat theddid. Il-Qorti nnutat li l-akkużi f’dak il-każ speċifikaw li r-reati kienu seħħew fit-28 ta’ Novembru 2015. Għalkemm ir-reġistri tat-telefonati kienu ġew esebiti minn fornituri ta’ servizzi ta’ telekomunikazzjoni, il-qorti nnutat li l-provi li kellha quddiemha lanqas biss turi li t-telefonati kienu saru fix-xahar ta’ Novembru.
“Minħabba dan in-nuqqas, il-qorti ma tistax tasal għall-konklużjoni li l-akkużat kien għamel it-telefonati kif qed jiġi allegat u b’riżultat ta’ dan, il-qorti m’għandha l-ebda għażla ħlief li ssib lill-akkużat mhux ħati.” “Fir-rigward tat-tieni akkuża, li hija marbuta mal-ewwel akkuża.
Fid-dawl tal-fatt li l-prosekuzzjoni naqset milli tesibixxi provi li juru li kien l-akkużat li ċempel il-mowbajl tal-vittma, il-Qorti qed tara wkoll li din l-akkuża mhix ippruvata fir-rigward tiegħu.” L-Avukat David Gatt kien avukat difensur ta’ Attard fiż-żewġ kawżi. L-Avukat Jason Azzopardi deher parte civile għall-mara. L-Avukat Veronique Dalli rrappreżentat lil dak li kien żewġha.
