L-Ajruport Internazzjonali ta’ Malta laqa’ 316,713-il passiġġier f’Marzu li għadda u b’hekk dan ifisser li t-traffiku totali għall-ewwel kwart tal-2022 tela’ għal kważi 673,000 moviment tal-passiġġiera. Madanakollu, dan it-total kien 44.1% aktar baxx mit-traffiku li ġġestixxa l-ajruport fl-istess perjodu fl-2019.
U aħbar pħra xejn sabiħa hu l-fatt li skont l-ewwel xahrejn tas-sena, Malta kien għadha qiegħda tirkupra b’rata aktar baxxa mill-kompetituri diretti tagħha.
In-numru ta’ postijiet disponibbli fuq it-titjiriet minn u lejn Malta baqa’ 35.4% taħt il-livelli tal-2019, filwaqt li s-seat load factor, li jkejjel kemm minn dawn il-postijiet kienu okkupati, laħaq medja ta’ 65.5% għall-ewwel kwart tas-sena.
L-aqwa suq tal-MIA għall-ewwel tliet xhur tas-sena kien l-Italja bi ftit anqas minn 125,000 moviment tal-passiġġieri rreġistrati. Ir-Renju Unit okkupa t-tieni post filwaqt li pajjiżna ra wkoll numru ta’ passiġġiera minn Franza, Ġermanja u l-Polonja.
