Bosta persuni nġabru l-Belt Valletta biex jimxu wara x-xbieha ta’ Maria Addolorata… u l-kurċifiss Mirakoluż, illi inħarġu flimkien għall-Pellegrinaġġ Nazzjonali immexxi mill-Arċisqof Charles J. Scicluna.
B’ħafna jieħdu l-okkażjoni sabiex jitolbu xi grazzja jew bħala ġest ta’ maħfra.
It-Tnejn filgħaxija sar dan il-pellegrinaġġ nazzjonali bil-vara devota tad-Duluri u l-Kurċifiss Ta’ Ġieżu, fit-toroq tal-Belt Valletta… pellegrinaġġ li fih sar talb għall-vittmi tal-Covid-19 u għall-paċi fid-dinja, b’mod speċjali fl-Ukrajna u r-Russja.
Għal din ir-raġuni, inqatghet ix-xewqa li għall-ewwel darba f’40 sena tinhareg il-vara tad-Duluri flimkien mal-Kurċifiss Mirakoluż, li ilu jiġbed lejh devozzjoni kbira mis-seklu sbatax… mhux biss mill-Insara Maltin imma anke mill-barranin li jżuru l-knisja Ta’ Ġieżu fil-Belt.
Fi tmiem il-pellegrinaġġ ngħatat il-barka sagramentali minn Monsinjur Arcisqof.
Din kienet l-ewwel purcissjoni bil-vara tad-Duluri ghal dawn l-ahhar sentejn minhabba r-restrizzjonijiet tal-Covid.
Fil-fatt, Jum tad-Duluri ilu ma jiġi ċċelebrat b’dan il-mod propju minħabba l-pandemija… bid-deċiżjoni biex il-vara tad-Duluri ta’ Ġieżu toħroġ it-Tnejn ittieħdet wara li r-restrizzjoni marbuta mal-Covid tnaqqsu mill-Ħadd ‘l għadda. Bin-nies iwiegbu ghal din is-sejha u johonqu t-toroq varji tar-rotta li minnha ghaddiet din il-purcissjoni.
Ritratti: Martin Agius
