Fil-Camp Nou is-sorpriża tal-kwarti finali tal-UEFA Europa League meta Eintracht Frankfurt għelbu lil Barcelona bl-iskor ta’ 3-2. Wara biss 4 minuti Eintracht fil-vantaġġ. Foul ta’ Eric Garcia fuq Jesper Lindstroem. Penalty b’FILIP KOSTIC ma jfallix u jgħeleb lil Marc Andre’ Ter Stegen. Ir-reazzjoni minn Barcelona ma saritx bir-riżultat li fis-36 minuta kien RAFAEL SANTOS BORRE li minn pass ta’ Kostic għeleb lil Ter Stegen 2 – 0 . Bil-partita deċiża fit-67 minuta minn azzjoni ta’ Daichi Kamada kien mill-ġdid FILIP KOSTIC li għeleb lil Ter Stegen. 3 – 0. Fl-84 minuta gowl minn Sergio Busquets għal Barcelona ma kienx ikkonvalidat bil-VAR. Madankollu fil-91 minuta l-istess BUSQUETS naqqas l-iskor għal Barcelona . Fl-10 minuta ta’ ħin miżjud tkeċċa Evan N’Dicka għal Eintracht u minuta wara minn penalty MEMPHIS DEPAY għamel l-iskor 2 – 3 li iżda ftit għamel differenza fl-eliminazzjoni mill-Europa League b’aggregate ta’ 4 – 3.
Intemmet l-avventura ta’ Atalanta li sfaw eliminati b’aggregate te’ 3 – 1 . Fid-19 il-minuta Red Bull Leipzig fil-vantaġġ wara li minn azzjoni ta’ Konrad Laimer kien CHRISTOPHER NKUNKU li għeleb lil Juan Musso. Minkejja pressjoni minn Atalanta fis-87 minuta foul ta’ Musso fuq Nkunku. Penalty għal Red Bull Leipzig bi CHRISTOPHER NKUNKU jgħeleb mill-ġdid lil Musso u għalaq il-partita u post fis-semi finali.
Fit-tieni minuta pass ta’ Joe Aribo lejn JAMES TAVERNIER li għeleb lil Matheus biex Glasgow Rangers marru fil-vantaġġ. Fil-5 minuta gowl ta’ Kemar Roofe għal Rangers ma kienx ikkonvalidat bil-VAR minħabba azzjoni falluża. Fit-42 minuta teċċa Vitor Tormena għal Braga b’Rangers approfittaw biex minn penalty fl-44 minuta JAMES TYAVERNIER għeleb lil Matheus. Fit-83 minuta l-partita ħadet xejra differenti wara li Braga naqqsu l-iskor permezz ta’ DAVID CARMO minn azzjoni ta’ Juri Medeiros. Fil-ħin barrani fil-101 minuta minn azzjoni ta’ Aribo kien KEMAR ROOFE li għamel l-iskor 3 – 1 għal Rangers u post fis-semi finali b’aggregate ta 3 – 2
B’aggregate ta’ 4 – 1 West Ham għaddew għas-semi finali tal-Europa League fejn kienu huma li fit-38 minuta marru fil-vantaġġ. Minn pass ta’ Pablo Forlans kien CRAIG DAWSON li għeleb lil Julian Pollersbeck. Ebda reazzjoni minn Lyon li fl-44 minuta sofrew it-tieni gowl skorjat minn DECLAN RICE . L-andament matul it-tieni taqsima baqa’ l-istess tant li fit-48 minuta minn azzjoni ta’ Forlans kien JARROD BOWEN li għeleb lil Pollersbeck għat 3 – 0 u għalaq il-partita.
UEFA EUROPA LEAGUE
Illum: Atalanta v RB Leipzig 0-2 (1-3), Lyon v West Ham 0-3, (1-4), Barcelona v E.Frankfurt 2-3 (3-4), Rangers v Braga 3-1 (3-2)
