Il-club tal-Premier League Burnley neħħew lil-coach Sean Dyche hekk kif jinsabu fit-18-il post tal-klassifika, fiż-żona ta’ relegazzjoni b’24 punt.
Burnley neħħew lil Dyche hekk kif fadal tmien logħbiet sa tmiem l-istaġun, bil-coach Ingliż ilu fit-tmexxija tal-club minn Turf Moor sa mill-2012. Iċ-chairman ta’ Burnley Alan Pace qal li din kienet deċiżjoni diffiċli ferm iżda jħoss li kien hemm bżonn bidla.
L-aħħar partita ta’ Dyche ma’ Burnley kienet it-telfa ta’ 2-0 kontra Norwich, il-ħames telfa mill-aħħar sitt partiti. Dyche kien persuna popolari fost il-partitarji ta’ Burnley b’bosta juru d-diżappunt tagħhom għat-tkeċċija.
