Il-President tal-Ukrajna, Volodymyr Zelensky, insista li l-Ukrajna mhix beħsiebha taċċetta l-iskambji mar-Russja li jistgħu jinvolvu telf ta’ territorju jew sitwazzjoni fejn l-Ukreni jispiċċaw ‘ċittadini tat-tieni klassi u sudditi ta’ Moska’.
Sadanittant, il-gwerra għadha ma tbiegħditx minn Kiev, il-kapitali tal-Ukrajna, bis-Sindku, Vitali Klitschko iwissi biex ir-residenti tal-belt jibqgħu fuq allert sħiħ għal aktar bumbardamenti u attakki mill-ajru min-naħa tar-Russi.
Fl-istess ħin, Klitschko qed iħeġġeġ lill-eks residenti li ħarbu minn Kiev fl-aħħar jiem biex ma jirritornawx fil-kapitali Ukrena minħabba s-sitwazzjoni tal-gwerra li baqgħet fluwida u imprevedibbli.
