Il-President Ukren, Volodymyr Zelensky, ħabbar li madwar 5,000 trabi Ukreni spiċċaw maħtufa mir-Russi mill-bidu tal-gwerra ‘il hawn.
Dan waqt li r-Russi ħatfu wkoll numru sinifikanti ta’ tfajliet u nisa, b’ħafna nisa Ukreni jispiċċaw stuprati u torturati fl-ibliet tal-Ukrajna okkupati mit-truppi tal-Kremlin.
Skont Zelensky, l-Armata Russa, issa, għandha skop wieħed car li jinvolvi l-qerda sħiħa tar-regjun tad-Donbas, lejn il-lvant tal-Ukrajna.
U fi żviluppi oħra,, kien ikkonfermat li, fl-aħħar sigħat, ma kellhom isiru l-ebda evakwazzjonijiet miz-zoni tal-Ukrajna affettwati mill-gwerra.
B’hekk dan hu t-tieni jum li fih mhumiex se jinħarġu ċivili Ukreni miz-zoni ta’ periklu wara li l-uffiċjali Ukreni u r-Russi ma qablux dwar ir-rotot umanitarji speċifiċi.
