Il-President Ukren, Volodymyr Zelensky, qal, waqt intervista lis-CNN, li stieden personalment lill-President ta’ Franza, Emmanuel Macron, biex iżur l-Ukrajna ‘u jara b’għajnejh l-effetti tal-ġenoċidju li qed iwettqu l-qawwiet Russi’.
L-istedina qed titqies bħala forma ta’ ‘ċanfira’ għall-President Franċiż peress li Macron, s’issa, żamm lura milli juża l-kelma ‘ġenoċidju’ biex jirreferi għall-atroċitajiet kontinwi tal-Kremlin fil-konfront tal-poplu Ukren. Fil-fatt, Emmanuel Macron jiem ilu, kien esprima dubju ‘dwar kemm l-użu ta’ kliem iebes speċifiku (bħal ġenoċidju) kapaċi jgħin lis-sitwazzjoni’.
Intant, Zelensky qed joffri lil Macron biex iżur pajjiżu ladarba jkollu l-opportunità waqt li sostna li ‘jinsab konvint li l-President Franċiż għandu jifhem x’inhi s-sitwazzjoni, ladarba jara dak li qed iseħħ tassew fl-artijiet Ukreni.’ Il-President Ukren qal ukoll li l-poplu tiegħu ‘huwa miġugħ għall-fatt li Macron, s’issa, irrifjuta li juża l-kelma ġenoċidju fil-konfront tat-traġedja umana li qed tiżviluppa bħalissa fl-Ukrajna.
