Fulham saru l-ewwel tim promoss għall-Premier League meta għelbu lil Preston North End bl-iskor ta’ 3-0. Din hija t-tielet promozzjoni għal Premier League li kisbu Fulham fl-aħħar ħames staġuni. Huma fetħu l-iskor fid-9 minuta b’gowl tal-attakkant Alexander Mitrovic, qabel fl-34 minuta kien l-akkwist l-ġdid ta’ Liverpool Fabio Carvalho li xeħet fix-xibka għal 2-0. Tliet minuti qabel tmiem l-ewwel taqsima Fulham għalqu l-partita bit-tieni gowl ta’ Mitrovic biex b’hekk aċċertaw posthom fil-Premier League l-istaġun li ġej. Fulham jistgħu jassiguraw ruħhom mit-titlu taċ-Championship b’rebħa fuq Bournmouth nhar is-Sibt li ġej.
