El Diablo ta’ Clive Butler u Sammy Grima ħarġu rebbieħa fl-ewwel jum tal-Kampjonati tad-Dinja Voomquest Enemed UIM V2. L-avveniment tal-powerboats ser jkun mifrux fuq tlett ijiem u jikkonsisti fi Klassijiet V2 u Cyber, b’dawn tal-aħħar ikunu l-ewwel li jkunu fuq l-ilma. Iċ-Cyber Class hija powerboat iżgħar, twila 13-il pied.
Il-Klassi Cyber hija klassi relattivament ġdida fi ħdan Voomquest, iżda s-sewwieqa tagħha jipproduċew wirjiet tajba. Rebbieħa tal-ewwel tellieqa is-sewwieqa ta’ sittax-il sena ta’ The Element Racing Team Celine Farrugia. Farrugia kellha kompetizzjoni iebsa li rat tellieqa b’ħafna tattika. Il-ħila ta’ Farrugia rata tieħu l-ewwel rebħa tal-kampjonat.
Il-Kampjonati tad-Dinja Voomquest Enemed UIM V2 jirritornaw għada bit-tlielaq V2 li jibdew fit-3:30 ta’ wara nofshinhar.
