Fit-tieni jum tad-29 International Easter Meet Thomas Waering stabilixxa rekord nazzjonali ġdid fil-100 metru backstroke. Waering waqqaf ir-rekord b’ħin ta’ 59.69 sekonda biex kiser ir-rekord preċedenti li stabilixxa hu stess fil-Montenegro fl-2019. Sasha Gatt waqqfet rekord fl-avveniment open tal-1500 metru freestyle b’ħin ta’ 17.31.50 , b’Nirvana Micallef tagħmel ħin ta’ 1:06.52 fil-100 metru Butterfly.
Michela Portelli waqqfet rekord nazzjonali fil-heat tal-100 metru Butterfly, qabel tejbet il-ħin tagħha stess fil-finali, fejn kisbet ħin ta’ 1:06.03. Għada s-Sibt se tkun qed issir it-tielet u l-aħħar ġurnata tal-kompetizzjoni, bl-avveniment jibda fid-9.00am.
