Matthias Mizzi
SLIEMA WANDERERS….…..0
SIRENS………………………….5
Sliema W.: T. Aquilina, J. Morales, G. Aquilina, J. Mintoff (L. Muscat 58’), M. Scerri, E. Agius, J. Engerer, M. Picciolo (J. Farrugia 58’), O. Linton (D. Vokovic 72’), M. Beerman, C. Cloth
Sirens: J. Debono, C. Borg, B. Gavrila (A. Nakov 72’), A. Effiong (D. Jackson 60’), A. Borg, J. Walker, C. Zammit Lonardelli, A. Cini (T. Tabone 72’), C. Riascos, V. Vieira, R. Cardoso
Skorjaw: B. Gavrilla 7’, C. Borg 14’, A. Effiong 53′, R. Cardoso 56’, B. Gavrila 57’
Imwissija: G. Aquilina 17’,J. Walker 26’, C. Riascos 60’. M. Scerri 62’ , C. Borg 72’, C. Goncalves 72’
Referee: Daniel Portelli
Assistenti Referees: Alan Camilleri & Kurt Saliba
Il-Mument Plejer tal-Logħba: R. Cardoso (SIR)
BOV Plejer tal-logħba: B. Gavrila (SIR)
Dominju assolut minn Sirens li mingħajr wisq diffikultà għelbu lit-tim relegat Sliema Wanderers. Ftuħ il-partita u Sirens skorjaw fl-ewwel tentattiv tagħhom lejn il-lasti permezz ta’ azzjoni maħduma tajba minn Alfred Effiong u Bogdan Gavrila b’dan tal-aħħar kkonkluda fix-xibka permezz ta’ xutt fil-baxx. Seba’ minuti biss wara Sirens rdoppjaw l-iskor meta pass ta’ Renato Cardoso tefa’ lil Conor Borg f’lasta vojta b’dan tal-aħħar mingħajr wisq diffikultà kkonkluda f’lasta vojta. Man-nofsiegħa logħob Sirens kienu viċin li jagħmluhom tlieta permezz ta’ xutt ta’ Bogdan Gavrilla li għadda jħakkek mal-wieqfa.
Ftuħ it-taqsima u żewġ opportunitajiet tad-deheb għat-tim ta’ Sliema. F’azzjoni personali l-Brażiljan Goncalves qabeż għadd ta’ plejers ta’ Sirens iżda wiċċ imb’ wiċċ mal-goalkeeper, Debono mblokka b’sidru. Mill-istess attakk, ftit sekondi wara Mark Scerri reġa’ ttanta xortih mill-bogħod, bil-konklużjoni tiegħu tistampa mal-wieqfa. Għal dawn l-opportunitajiet mitlufa, is-Slimiżi kienu kkastigati bil-kbir biex ħames minuti wara Alfred Effiong ħareb minn bejn id-difiża u b’xutt preċiż tefa’ l-ballun fix-xibka. Tliet minuti wara Cardoso ħataf l-opportunità minn żball tal-goalkeeper Slimiżi wara li dan ma ħatafx sew il-ballun minn mal-art u bil-Brażiljan xeħet il-ballun f’lasta vojta. Sirens għamluhom ħamsa, minuta biss wara meta b’eleganza Bogdan Gavrila tefa’ l-ballun fuq saqajh u b’xutt fil-baxx minn tarf il-kaxxa għeleb lil Aquilina b’xutt minn taħt idejh.
