L-azzjoni tal-Kampjonati tad-Dinja Voomquest Enemed UIM V2 kompliet illum f’San Pawl il-Baħar, f’kundizzjonijiet tat-temp perfetti għad-dgħajjes hekk kif komplew għat-tieni jum ta’ kompetizzjoni.
Filgħodu, il-Klassi Cyber bdiet b’tiġrija eċċitanti, minkejja li t-tiġrija kienet inqas stretta minn dik tal-ġurnata ta’ qabel. Clive Butler ta’ Team Bad Company poġġa lilu nnifsu fuq quddiem matul it-tellieqa kollha sabiex kiseb il-bandiera tar-rebbieħ tal-ġurnata.
Kien bidu ieħor eċċitanti għall-V2s wara nofsinhar, melta Freccia Blu ta’ Beppe Debono ħadet posta fuq quddiem b’El Diablo warajħ. Freccia Blu u El Diablo baqgħu jiġru għall-podju sas-seba’ dawra meta l-Uffiċjal tat-tellieqa tella il-bandiera ħamra biex waqqaf it-tellieqa minħabba li Cutting Edge ta’ Stephen Bezzina inqalbet minħabba problema teknika. Ladarba s-sigurtà tagħhom ġiet aċċertata, it-tellieqa ġiet iddikjarata kompluta minħabba li 70% tad-distanza minima tat-tellieqa kienet diġà ġiet koperta.
“F’dawk il-mumenti rari, meta dgħajsa tinqaleb, ilkoll inżommu n-nifs. B’xorti tajba s-sewwieqa kollha huma konxji bis-sħiħ mill-proċeduri tas-sigurtà u b’hekk setgħu joħorġu mingħajr ħadd iweġġa ,” spjega Aaron Ciantar, Fundatur ta’ Voomquest. “Li nkunu nafu li huma sikuri huwa ta’ serħan il-moħħ u issa nistennew bil-ħerqa għada, it-tielet u l-aħħar jum ta’ din il-partita tal-Kampjonat tad-Dinja”.
Il-Kampjonati tad-Dinja Voomquest Enemed UIM V2 jirritornaw għada l-Ħadd 24 ta’ April, bit-tlielaq V2 jibdew fis-1530hrs.
