Matthias Mizzi
BALZAN….……1
VALLETTA……..1
Balzan: J. Galea (R. Briffa 11’), A. Loof, M. Grima, M. Duric, P. Fenech (N. Frendo 87’), N. Gulan, U. Ljubomirac, M. Zlatkovic, M. Mijic (B. Kaljevic 65’), A. Andrejic, S. Cipriott
Valletta: A. Guarnone, J. Borg (S. Dimech 49’), C. Gauci, A. Zammit (H. Dilaver 79’), E. Pena Beltre, D. Promise, R. Muscat, E. Sala, C Prado, M. Fontanella. K. Tulimieri (S. Mckay 73’)
Skorjaw: U. Ljubomirac 75’, M. Fontanella 90’
Imwissija: A. Loof 1’, B. Kaljevic 85’
Referee: Stefan Pace
Assistenti Referees: Duncan Sultana & V. Vasilev
Il-Mument Plejer tal-Logħba: U. Ljubomirac (BLZ)
BOV Plejer tal-logħba: U. Ljubomirac (BLZ)
B’żewġ partiti għad fadal x’jintlagħbu, gowl fid-90 minuta minn Mario Fontanella matematikament salva lit-tim Belti għal staġun ieħor fil-BOV Premier League. Ftuħ il-partita u Valletta mal-ewwel perikolużi permezz ta’ xutt ta’ Kevin Tulimieri minn corner li ġie mdawwar f’corner ieħor mill-goalkeeper Jake Galea. Għoxrin minuta wara f’kontrattakk veloċi mibdi miż-żagħżugħ Andrea Zammit, David Promise ra t-tentattiv tiegħu minn barra ‘l kaxxa jgħaddi jħakkek mal-wieqfa. Erba’ minuti wara u s-sostitut goalkeeper Rudy Briffa kien strumentali bejn il-lasti meta b’diffikultà laqa’ xutt devjat tat-Taljan Mario Fontanella. Balzan rrispondew fit-33 minuta b’xutt fil-baxx minn tarf il-kaxxa tad-difensur laterali Milos Zlatkovic li għadda viċin.
Fit-tieni taqsima Balzan ħarġu aggressivi biex fis-46 minuta Uros Ljubomirac ra x-xutt b’saħħtu fil-baxx salvat tajjeb minn fuq il-linja. Għaxar minuti wara Valletta kienu fortunati li ma sofrux il-gowl meta l-goalkeeper Alessandro Guarnone ma żammx il-ballun minn azzjoni ta’ cross-shot. Kwarta mit-tmiem Balzan fetħu l-iskor meta Ljubomirac għaraf jippenetra d-difiża permezz ta’ ġirja veloċi u mill-viċin kkonkluda b’xutt fil-baxx li kien ferm diffiċli għal Guarnone sabiex jilqa’. Balzan komplew fuq l-offensiva tant li fit-82 minuta kienu mċaħħda milli jirdoppjaw l-iskor meta s-sostitut Bojan Kaljevic kellu l-gowl tiegħu mħassar għal offside. Hekk kif kien jidher li kollox kien se jmur lejn rebħa għal Balzan, fid-90 minuta Mario Fontanella ġab id-dro għat-tim tal-kapitali. B’dan il-punt, Valletta matematikament salvaw posthom fil-Kampjonat BOV Premier.
