Id-difensur ta’ Chelsea Antonio Rudiger mistenni jissieħeb lil Real Madrid fi tmiem l-istaġun wara li Thomas Tuchel ħabbar li d-difensur Ġermaniż mistenni jħalli lil Chelsea. Rapporti fil-media Ingliża qed jindikaw li Rudiger laħaq ftehim mal-ġganti Spanjoli fejn mistenni jiffirma kuntratt ta’ erba’ snin sal-2026. Rudiger issieħeb lil Chelsea fl-2017 fejn magħhom lagħab 127 partita u skorja 9 gowls. Ma’ Chelsea Rudiger rebaħ l-ewwel Champions League tiegħu fl-2021 fir-rebħa ta’ 1-0 fuq Man City.
