Rebħa fl-aħħar minuti għal Juventus li permezz tagħha saħħew posthom fir-raba’ post fil-klassifika u fl-istess waqt jinsabu punt biss taħt Napoli fit-taqtiegħa għat-tielet post. Dominju minn Sassuolo matul l-ewwel fażi tal-partita minkejja li fis-27 minuta ċans tajjeb għal Paulo Dybala l;i minn kross ta’ De Sciglio sab lil Frattesi li ċaħħdu mill-gowl. Fid-39 minuta Sassuolo fetħu l-iskor. Azzjoni ta’ Domenico Berardi lejn GIACOMO RASPADORI li għeleb lil Szczesny. Reazzjoni immedjata minn Juventus li eżatt qabel tmiem l-ewwel taqsima għamlu l-iskor 1 – 1 .
Gowl minn PAULO DYBALA li għeleb lil Andrea Consigli minn azzjoni bejn Alvaro Morata u Denis Zakaria. Sassuolo baqgħu b’aktar pussess minkejja li Juventus bdew it-tieni taqsima bi Chiellini u Vlahovic flok Rugani u Dybala. Bil-partita destinata għad-draw, minuta mit-tmiem minn azzjoni ta’ Alex Sandro kien MOISE KEAN li għeleb lil Consigli. Neħħa l-flokk biex jiċċelebra b’ Fabio Maresca jammonih.
SERIE A
Illum: Sassuolo v Juventus 1-2
