Tkompli s-serje pożittiva ta’ Bologna fejn gowl fl-aħħar fażi tal-partita minn żball ta’ Radu wassal għar-raba’ telfa ta’ Inter fil-Kampjonat u fl-istess waqt gawdew Milan li b’dan ir-riżultat fetħu vantaġġ ta’ żewġ punti fuq Inter filwaqt li Bologna telgħu fit-tlettax il-post. Wara biss tlett minuti Inter marru fil-vantaġġ permezz ta’ IVAN PERISIC li minn azzjoni ta’ Nicolo’ Barella għeleb lil Lukasz Skorupski. Reazzjoni immedjata minn Bologna li fit-28 minuta kisbu l-gowl tad-draw. Azzjoni ta’ Musa Barrow b’ MARKO ARNAUTOVIC jgħeleb lil Andrei Radu. Minkejja li fit-tieni taqsima, Inter kienu aktar fil-partita fil-81 minuta Bologna marru fil-vantaġġ minn żball tal-goalkeeper Andrei Radu b’ NICOLA SANSONE ma jkollu ebda diffikulta’ jgħamel l-iskor 2 – 1 u litteralment għalaq il-partita.
Fir-raba’ minuta Torino marru fil-vantaġġ. Minn pass ta’ Dennis Praet kien ANTONIO SANABRIA li għeleb lil Juan Musso. Reazzjoni immedjata minn Atalanta li fit-18 il-minuta kisbu l-gowl tad-draw minn penalty mgħoti u skorjat minn LUIS MURIEL. Fit-23 minuta minn azzjoni tal-istess Muriel kien MARTEN DE ROON li għeleb lil Vanja Milinkovic Savic għat- 2 – 1. Fit-36 minuta Torino kisbu l-gowl tad-draw bit-tieni penalty tal-ġurnata b’SASA LUKIC jgħeleb lil Juan Musso. Fit-tieni taqsima b’Torino fuq l-offensiva. Fit-63 minuta fit-tielet penalty mgħoti mir-referee Rosario Abisso. kien SASA LUKIC li mill-ġdid għeleb lil Musso 2 – 3 sabiex ħames minuti wara minn auto gowl ta’ REMO FREULER , Torino fetħu vantaġġ doppju.Reazzjoni minn Atalanta li fit-78 minuta naqqsu l-iskor permezz ta’ MARIO PASALIC li minn azzjoni ta’ Muriel għeleb lil Vanja Milinkovic Savic. Żdiedet il-pressjoni minn Atalanta li fl-84 minuta ingħataw penalty, ir-raba’ wieħed fil-partita b’LUIS MURIEL jgħeleb lil Milinkovic Savic għall-aħħar gowl tal-partita.
Kollox faċli għal Udinese li wara biss tnax il-minuta logħob fetħu l-iskor permezz ta’ PABLO MARI’ . F’nuqqas ta’ reazzjoni minn Fiorentina, fis-36 minuta Udinese meritatament irduppjaw permezz ta’ GERARD DEULOFEU. L-andament matul it-tieni taqsima baqa’ l-istess bid-differenza li fl-ewwel minuta ta’ ħin miżjud kien WALLACE li għeleb lil Pietro Terracciano għall-iskor ta’ 3 – 0 . Erba’ minuti wara minn azzjoni ta’ Jean Victor Makengo kien IYENOMA DESTINY UDOGIE li għeleb lil Terracciano għall-4 – 0.
SERIE A
Bologna v Inter 2-1, Atalanta v Torino 4-4, Fiorentina v Udinese 0-4
