L-aġent ta’ wħud mill-aktar players tal-futbol prominenti Mino Raiola jinsab f’qagħda kritika iżda għadu ma mietx. Hekk stqarr il-ħabib tiegħu Jose Fortes Rodriguez wara li rapporti fil-media Taljana kienu qed jindikaw tilef il-battalja tiegħu ma’ marda serja. Raiola hu l-aġent ta’ diversi players rinomati fosthom Zlatan Ibrahimovic, Erling Haaland u Paul Pogba.
Hu beda l-karriera tiegħu bħala aġent ta’ players tal-futbol fl-1987 mal-kumpanija Sports Promotions, fejn fis-snin disgħin kien rnexxielu jiffirma players rinomati fosthom Dennis Bergkamp, Michel Kreek u Bryan Roy.
Din l-aħbar tasal ftit tax-xhur wara li Raiola żar pajjiżna fejn kien xeħet għajnejh fuq xi talenti lokali. Fl-aħħar snin Raiola kien involut f’uħud mill-aktar trasferimenti prominenti, fejn flimkien ma’ Jorge Mendes, huma magħrufa bħala super aġenti tal-players tal-futbol.
Intant ftit tal-mumenti ilu Raiola tella’ tweet fejn qal li minkejja li qatluh għat-tieni darba f’erba’ xhur, hu għadu ħaj.
