UEFA EUROPA LEAGUE
Fil-London Stadium, mis-semifinali tal-UEFA Europa League, Eintracht Frankfurt għelbu lil West Ham bl-iskor ta’ 2-1 biex se jieġud dan il-vantaġġ magħhom għat-tieni leg fil-Ġermanja. Kienu Eintracht Frankfurt li fetħu l-iskor wara biss 50 sekonda meta minn cross ta’ Rafael Borre kien Ansgar Knauff li bir-ras xeħet wara Alphone Areola għal 1-0.
Minkejja dan reazzjoni minn West Ham fil-15-il minuta meta Jarrod Bowen waħdu mal-goalkeeper ra l-konklużjoni tiegħu taħbat mal-lasta. Sitt minuti wara jasal il-gowl tad-draw għal West Ham meta minn cross ta’ Manuel Lanzini, Kurt Zouma għadda bir-ras lejn Michael Antonio li mattar siequ u xeħet fix-xibka għal 1-1. Fl-54 minuta it-tim Ġermaniż mill-ġdid fil-vantaġġ meta Alphones Areola salva x-xutt ta’ Djibril Sow, biex mit-tieni tentattiv kien Daichi Kamada li tefa’ ġewwa għal 2-1.
Is-semi finali l-oħra mill-UEFA Europa League bejn RB Leipzig u Rangers intemmet f’rebħa ta’ 1-0 għal RB Leipzig. Il-gowl uniku tal-partita kien skorjat fil-85 minuta permezz ta’ Angelino li approfitta min-nuqqas fid-difiża ta’ Rangers u kkonkluda fix-xibka għal 1-0.
Semifinali: RB Leipzig v Rangers 1-0, West Ham v E.Frankfurt 1-2
UEFA CONFERENCE LEAGUE
Mill- UEFA Conference League, Feyenoord kisbu rebħa missielta ta’ 3-2 fuq Marseille. Feyenoord fetħu l-iskor fit-18 –il minuta b’gowl ta’ Cyriel Dessers, qabel żewġ minuti wara huma rdoppjaw b’konklużjoni ta’ Luis Sinisterra. Fit-28 minuta Marseille naqqsu d-distakk meta Cedric Bakambu għadda lejn Ahmadou Bamba Dieng li xeħet fix-xibka għal 2-1. Ħames minuti qabel tmiem l-ewwel taqsima Marseille kibsu l-gowl tad-draw b’xutt tal-attakkant Brażiljan Gerson. Madanakollu, sekondi mill-ftuħ tat-tieni taqsima Feyenoord għal darb’oħra fil-vantaġġ meta Cyriel Dessers approfitta minn żball difensiv u għeleb lil Steven Mandanda għal 3-2.
Fil-King Power Stadium Leicester u Roma temmew fi draw ta’ 1-1. Roma fil-vantaġġ wara kwarta logħob meta Nicola Zalewski għadda lejn Lorenzo Pellegrini li b’xutt fil-baxxa għeleb lil Schmeichel għal 1-0. Leicester kisbu l-gow ltad-draw fis-67 minuta meta Harvey Barnes għadda tajjeb mix-xellug u l-cross tiegħu sab lil Ademola Lookman li mill-viċin ma żbaljax għal 1-1.
Semifinali: Feyenoord v Marseille 3-2, Leicester v Roma 1-1
