Jiggradwaw aktar minn 100 student fil-livell 5 fuq il-qafas tal-kwalifiki Maltin f’waħda miċ-ċerimonji ta’ gradwazzjonijiet fl-MCAST li saru tul il-jum tal-Ħamis.
Propju 93 student temmew b’suċċess l-istudji tagħhom matul is-sena akkademika 2020-2021. Dawn l-istudenti ġejjien mill-istitut tas-servizzi fil-komunita.
Tul iċ-ċerimonja, l-MCAST ta ukoll ċertifikat fil-Livell 5 lil 14-il student li temmew b’suċċes l-istudji tagħhom….u li ġejjien mill-istitut tat-tmexxija tan-negozju u l-kummerċ.
Waqt diskors qasir li għamel f’din iċ-ċerimonja, il-President tal-bord tal-gvernatur tal-MCAST Ian Refalo saħaq li minkejja li dawn il-kwalifiki jfissru li l-istudenti jkunu għaddew mill-eżamijiet li jkollhom bżonn sabiex jilħqu fejn jixtiequ jilħqu, l-akbar eżami huwa dak tal-ħajja – għaliex kuljum niġu affaċjati bi sfidi differenti. Aktar tard tul il-jum tal-Ħamis saret ukoll iċ-ċerimonja ta’ gradwazzjonijiet tal-korsijiet Postgraduate, kif ukoll il-Masters.
Għal din il-gradwazzjoni, gradwaw madwar 75 student u studenta.
