Konferma uffiċjali minn Jurgen Klopp innifsu li ġedded il-kuntratt tiegħu ma’ Liverpool sal-2026. Fix-xhur preċedenti Jurgen Klopp kien determinat li jħalli postu bħala kowċ ta’ Liverpool fi tmiem il-kuntratt tiegħu fl-2024. Madanakollu, il-kowċ Ġermaniż ta’ 54 sena biddel fhemtu u ġedded il-kuntratt tiegħu b’sentejn.
F’video li ttella’ fuq il-paġna ta’ Liverpool, Klopp qal li jinsab kuntent ferm li ġedded il-kuntratt tiegħu, hekk kif f’Liverpool hu sab it-tieni dar tiegħu. Flimkien ma’ Klopp ġeddew ukoll il-kuntratt tagħhom l-assistenti tiegħu Pep Ljinders u Peter Krawietz. Klopp iffirma estensjoni tal-kuntratt hekk kif Liverpool għadhom biċ-ċans li jirbħu l-erba’ unuri maġġuri dan l-istaġun.
