Mara akkużata b’kompliċità f’serqa li wasslet għal mewt fatali ta’ anzjana f’Tas-Sliema, 12-il sena ilu, qalet lill-Imħallef li kienet ilha biss bilqiegħda fil-karozza użata mill-persuna li mar biex jisriqha għax kienet qed takkumpanja lill-għarus tagħha, li kien ta daqqa ta’ ħarta ftit mumenti qabel seħħ id-delitt.
Bernice Camilleri, illum ta’ 33 sena, mill-Qawra, tinsab akkużata b’kompliċità fis-serqa aggravata tal-2010 li wasslet għall-mewt ta’ Rose Garroni ta’ 80 sena, flimkien ma’ ħames kapijiet oħra ta’ akkuża. Garroni mietet l-isptar f’Diċembru tal-2010, riżultat ta’ emorraġija interna kkawżata mill-waqgħa tagħha.
L-anzjana kienet ukoll sofriet kemm il-pelvi (ġembjeha) kif ukoll riġlejha miksura b’riżultat tal-imbuttatura mill-aggressur. Camileri, li dak iż-żmien kellha 22 sena, kienet bilqiegħda fis-sit ta’ wara tal-karozza FIAT Uno hatchback b’żewġ bibien, hija qalet, filwaqt li żiedet tgħid li Charles Brincat u Richard Attard, li t-tnejn li huma kienu ntbagħtu l-ħabs wara li ammettew il-ħtija tagħhom biex jevitaw proċess, kienu bilqiegħda fil- quddiem. Sussegwentement Brincat u Attard kienu ntbagħtu 13 u 12-il sena ħabs rispettivament.
Waqt li xehdet fil-ġuri tagħha, mingħajr ġurati, quddiem l-Imħallef Aaron Bugeja, Camilleri qalet li Brincat kien aggredixxa lill-vittma, filwaqt li hi u Attard poġġew bilqiegħda fil-karozza u qagħdu jistennew. Fil-bidu tax-xhieda tagħha l-akkużata qalet lill-Imħallef li Attard kien l-ewwel għarus tagħha u li bdew joħorġu minkejja r-reżistenza inizjali mill-ġenituri tagħha li kienu jibżgħu għall-fatt li hi kellha 13-il sena u Attard kienet tmien snin akbar minnha.
Il-ġenituri tagħha eventwalment kienu aċċettawh, iżda wara ordnawha biex tieqaf tarah wara li ġiet infurmata minn xi ġirien li Attard kien juża d-droga u jżur lill-prostituti. Camilleri ma kinitx emmnet dan,hija qalet. “Għalija, ma kienx il-bniedem li kienu qed jiddeskrivu.”
Ir-relazzjoni kompliet bil-moħbi, b’Attard jiltaqa’ magħha barra l-iskola tagħha. Il-ġenituri tagħha ma damux ma saru jafu, iżda u pprojbixxewha milli toħroġ filgħaxija, u kkonfiskawha wkoll il-mobile. Attard imbagħad issuġġerixxa li taħrab mid-dar tal-ġenituri tagħha billi taħrab minn tieqa biex tiltaqa’ miegħu.
Ir-riżultat aħħari ta’ dik ir-relazzjoni kien li Camilleri ttieħdet f’kura u Attard ġie mixli li kellu sess ma’ minuri u reati tad-droga. Dan waqt li wieġbet mistoqsija tal-avukat tagħha, Arthur Azzopardi. Ir-relazzjoni tagħha mal-ġenituri tagħha wkoll fallew.
“Ma kontx nemmen li juża l-eroina, imma meta rajtu jinjetta lilu nnifsu, indunajt li kont żbaljata.” Camilleri qalet li Attard kien se jġiegħelha tieħu d-droga.“Qatt ma tlabtu d-droga, anzi ġiegħlini neħodha u kont nispiċċa naqla,” hija qalet.
Hija kienet qattgħet erba’ xhur fid-dar residenzjali taż-żgħażagħ “Fejda” u kienet ukoll ġiet imħarrka biex tixhed fil-konfront ta’ Attard, li dakinhar intbagħat il-ħabs. Bla residenza fejn tgħix wara li ħarġet mill-“Fejda”, Camilleri wara marret tgħix ma’ oħtha Ħal Tarxien, u qattgħet kważi sena hemmhekk qabel ma l-ġenituri tagħha ċedew u reġgħu ħaduha.
Meta wieġbet mistoqsija ta’ Azzopardi, hija kkonfermat li bdiet toħroġ ma’ raġel ieħor u marret toqgħod miegħu wara li kellhom tarbija flimkien. Dik ir-relazzjoni ntemmet madwar sentejn wara wara li r-raġel kien irrifjuta li jħallas nofs €50 għal rigal ta’ għeluq snin binthom, iżda kien qabad u nefaq ħafna flus biex jixtri rimmijiet tar-roti għall-karozza tiegħu.
Bintha m’għadhiex tgħix magħha, qalet, b’leħinha imkisser. “Jien u hu infridna u mbagħad Richard Attard ikkuntattjani fuq Hi5. Qalli li għadu jħobbni, qalli li l-ġenituri tiegħi ma setgħux ikomplu jiddettaw ħajti.” It-tnejn ereġajna bdejna noħorġu, hija qalet,
Attard qalilha li għeleb il-problemi tad-droga. Il-familja tagħha waqfet titkellem magħha meta saru jafu b’dan. Missier bintha kien ġie fdat bil-kura u l-kustodja tagħha mill-qrati. Ġurnata waħda t-tifla ma ngħatatx lura lilha wara żjara ta’ aċċess, hija qalet. “Hu ma kienx iwieġeb is-sejħiet tiegħi jew il-messaġġi tiegħi. Meta morna l-qorti, sirt naf li kienu l-ġenituri tiegħi li qalulu biex ma jirritornax it-tifel lili.”
Ħajjietha tkompli tieħu daqqa l-isfel
Il-ħajja ta’ Camilleri kompliet tieħu daqqa l-isfel bla waqfien. Il-benefiċċji soċjali tagħha nqatgħu wara li tilfet il-kustodja u ma setgħetx tibqa’ taffordja l-akkomodazzjoni tagħha, peress li kienet qiegħda, hija spjegat. Spiċċat tgħix f’garaxx f’Buġibba, iżda setgħet tħallas biss l-ewwel xahar tal-kera. Intant Attard kien għadu jgħix ma’ ommu.
Iddisprata għal post fejn toqgħod, hija kkuntattjatu u talbet permess biex torqod fil-karozza tiegħu. “Richard qalli biex niġi noqgħod miegħu u mal-ġenituri tiegħu,” kompliet l-akkużat. Iżda minn barra d-dar semgħet lil Attard jargumenta mal-ġenituri tiegħu, li rrifjutaw li jħalluha tgħix hemm.
Attard ħareġ mid-dar iġorr xi flus kontanti fuqu, hija qalet. Ħabib tagħhom offrelhom akkomodazzjoni, u l-koppja aċċettaw. Nofs il-flus li Attard ħa mingħand il-ġenituri tiegħu ntużaw għad-droga, qalet Camilleri. “Hu kien juża [d-drogi] kontinwament, jara t-televixin u juża.”
Hija ddeskriviet kif Attard kien iġorr miegħu kullimkien pouch li kien fih oġġetti relatati mad-droga. Azzopardi talab lill-akkużata tispjega lill-qorti permezz tal-ġrajjiet tal-inċident fatali. Hija fakkret li rċeviet telefonata mingħand Attard, fejn talabha biex tirranġa biex hu jinġabar mill-Isptar Monte Carmeli. Charlie Brincat kien qed isuq il-hatchback bi tliet bibien u kienet fuq wara, qalet. Biex wieġed jirked fuq is-seat ta ‘wara,irid jaqleb is-seat ta’ quddiem .
Brincat mar jixtri inbid u qal lil Attard li ma kellux flus. “Meta ma kellux flus għad-droga, Richard kien jgħajjat miegħi u jinsulentani. Kien isejjaħli prostituta talli konċepejt tarbija waqt li hu kien fiċ-ċella l-ħabs.” Attard kien ikkastigaha kull meta kienet ippruvat tiddisponi mid-droga tiegħu biex tieqaf teħodha.
“Darba minnhom ħallejt id-drogi tiegħu fit-toilet u kien sakkini hemm għall-bqija tal-lejl.” F’okkażjoni oħra meta kienet remiet id-droga, huwa kien heddidha b’sikkina tal-ħobż. Ġurnata waħda kellu doża eċċessiva u rrifjuta l-offerta tagħha li jċempel lill-ġenituri tiegħu.
Mhedda b’sikkina
Attard kien heddidha li jagħtiha daqqa ta’ sikkina jekk kienet se ċċempel għall-ambulanza jew lill-pulizija, hija qalet. “Hu qalli ‘Se nferik.’.” “Kien jgħid li ħa d-droga minħabba t-tifrik tal-ġenituri tiegħu, imma għalija kien kollu tort tiegħu.” Hija ddeskriviet il-mument li Charles Brincat kien ħareġ mill-karozza biex jisraq lill-vittma.
Waqt is-sewqan lejn Tas-Sliema, hija kienet ħasbet li Brincat kien se jiġbor xi flus mingħand xi ħadd, iżda meta waslu Tas-Sliema, Brincat lemaħ mara u qal li kien se jisraqha. Attard kien oġġezzjona, iżda Brincat insista. “Jien qbilt ma’ Richard, naturalment. Għidt li ma ridtx nagħmel dawn l-affarijiet.”
Brincat ħareġ mill-karozza, ħalla l-bieba magħluqa parzjalment u mar fuq l-anzjana. “Għidt lil Richard biex isuq. F’dak il-mument, Richard dawwar dawra u tani daqqa ta’ ħarta.” Hija kienet stordiua bid-daqqa. “Charlie ġie jiġri lura u reġa’ daħal fil-karozza, b’handbag.
Kien handbag ta’ kulur skur.” Brincat sab madwar €20 jew €25 u xi ċwievet fil-baskett, qalet Camilleri. Huwa qal lil Attard biex isuq xi mkien biex ikunu jistgħu jixtru xi kokaina. “Charlie kien fuq il-kokaina iżda Richard kien aktar fuq l-eroina,” spjegat Camilleri.
Ivvjaġġaw lejn il-Belt iżda Attard ma sab imkien min fejn jixtri d-droga, għalhekk Brincat issuġġerixxa li jipprovaw Raħal Ġdid. Fi triqithom, hekk kif saq mill-Marsa, Brincat kien rema l-handbag vojt misruq. L-Avukat Azzopardi staqsa lill-mara x’għamlet u kif ħassitha dak il-ħin.
“Bżajt wisq biex nitkellem għax issa kien hemm żewġt irġiel fil-karozza u ma kinitx l-ewwel darba li Richard refaż idu fuqi. Bqajt u bqajt kwieta. Kont għadni ftit sturduta mild-daqqa.” Brincat qalilhom biex isuqu lejn Bormla, iżda waqt li kienu għaddejjin minn Ħaż-Żabbar, waqfu f’pompa tal-petrol qrib Triq Hompesch.
“Waqt li Richard kien qed jixtri l-petrol, tlabt biex noħroġ u nagħmel l-awrina. Kien hemm ħajt baxx. “Jien ridt naħrab. Imma kont naf li kienu żewġt irġiel f’karozza. L-għassa tal-pulizija ma kinitx ‘il bogħod, iżda kienu jaqbduni qabel ma nasal hemm.”
Ħadu d-droga f’Bormla
Minflok, saqu lejn Bormla, Attard ipparkja il-karozza ħdejn mina. Hemmhekk, Brincat kien xtara xi kokaina mingħand persuna li kien jaf u qalilhom biex isuqu d-dar ta’ ommu f’Bormla. Brincat u Attard iddeċidew li jikkunsmaw id-droga tagħhom hemmhekk.
“Richard ħareġ il-borża tiegħu u qalli biex nieħu ftit eroina għax kont imnikkta.” Iżda Brincat intervjena, u qal lil Attard biex ma jagħtihiex lili bil-labra”. Minflok taha il-kokaina. L-irġiel imbagħad iddeċidew li jwettqu t-tieni serqa, hija qalet. Huma ħarġu minn Bormla u marru lejn Tas-Sliema.
Brincat lemaħ mara oħra li ried jisraq. “Mela ż-żewġ vittmi ġew magħżula minn min?” staqsa Azzopardi. “Charlie,” wieġbet l-akkużata. Richard niżżel lil Brincat u ppikkjah ftit minuti wara. Brincat kien qed iżomm handbag l-ieħor misruqa li minnha sab mobile Nokia. “Dan huwa dak li sibt,” huwa qal.
Richard ħadu biex jagħtih daqqa t’għajn u qal li kien jaf lil xi ħadd lil min jista’ jbigħu.” Huma marru Raħal Ġdid iżda l-mobile ma nbiegħx, għalhekk marru Bormla għand il-persuna li kienu xtraw il-kokaina mingħandha u ġew offruti €20 bi skambju għall-mobile. Brincat talab lin-negozjant biex iħallsu f’kokaina, u hekk għamel. L-irġiel saqu lejn post imwarrab u injettaw l-eroina, qal l-akkużata. Wara ħadu lil Brincat lura lejn Monte Carmeli qabel marru lura l-Gżira.
“Għidt lil Richard li kien għamel żball u kellu jammetti. F’dak il-mument imbottani u tagħni daqqa ta’ sieq fl-istonku. Imbagħad fetaħ il-but u tagħni joint. “Meta qabbattu, bdejt nirremetti u rrealizzajt li kienet eroina mhux marijuana. Richard beda jidħak.”
Tibda tirrakkonta imbikkma
Imbikkma, hija qalet li rrealizzat li ma setgħetx tkompli tgħix hekk. L-għada marru f’ħanut tal-kompjuters f’Bormla fejn Attard qalilha li kellhom bżonn jisirqu xi ħaġa peress li kienu bla flus. “Hu qabad laptop u tefgħu fil-ġakketta tiegħi.” Aktar tard dakinhar, Camilleri marret għand il-pulizija biex tgħidilhom fejn kien il-laptop misruq u li ma kellha x’taqsam xejn miegħu.
Dakinhar stess ġiet arrestata flimkien ma’ Attard fuq il-laptop misruq, hija qalet. Timsaħ id-dmugħ hija qalet “Ħsibt li għamlu żball.” Camilleri temmet ix-xhieda tagħha billi qalet li fit-tmien snin mill-inċident, kienet ilha f’relazzjoni stabbli u sabet kawża għal qalbha: tieħu ħsieb li tindokra u ssalva annimali mitlufin u teħodhom f’santwarji tal-annimali.
“Ħajti ddedikajt għall-kura tal-annimali. Jien aħjar nieħu ħsieb l-annimali milli nieħu ħsieb il-bnedmin. Meta ħadt ħsieb bniedem, reġa’ ġie u spiċċa jigdimni. L-annimali ma jagħmlulix hekk.” Kienet tibża’ mill-irġiel minħabba dak li kien għaddiha minnu Attard,
L-avukat tagħha staqsieha jekk kellhiex xi żżid. “Jiddispjaċini ħafna. Din il-ħtija tibqa’ miegħi għall-bqija ta’ ħajti.” Kontro-eżaminata mill-prosekutur Karl Muscat, Camilleri dehret tgħid li setgħet ma qaletx il-verità waqt proċeduri kriminali kontra Attard fuq inċident mhux konness.
“Seta’ kien li ma kontx ngħid il-verità għax kont nibża’ minn Richard.” “Kont nibża minnu,” imbagħad ikkoreġiet ruħha. “Fil-fatt kien jgħidli x’għandi ngħid fil-qorti. Li ma tniżżlux fil-ħmieġ.” Muscat beda jistaqsiha tikkonferma li gidbet taħt ġurament, iżda hu twaqqaf mill-Imħallef.
Imġiegħla tigdeb fil-Qorti
Aktar tard fil-kontro-eżami tagħha, l-akkużata reġgħet qalet lill-Imħallef li kienet imġiegħla tigdeb lill-qorti. Għalkemm kienet xehdet fi proċeduri preċedenti li l-ġenituri tagħha kienu se jsawtuha b’ċinturin, illum qalet lill-Qorti li dan mhux minnu u li kienet imġiegħla tgħid dan minn Richard minħabba l-biża’ li titilfu.
Hija ċaħdet ukoll is-suġġeriment li Richard kien telaq mid-dar tal-ġenituri tagħha għax ma jiflaħx jaraha tissawwat. L-Avukat Muscat staqsieha jekk tiftakarx tgħid lil dik il-qorti li nsterqu xi deheb u ġojjellerija mid-dar tal-ġenituri tagħha. Camilleri kkonfermat dan, u kompliet tispjega li kienet imġiegħla tisraqhom minn Richard li heddidha li kien se jaħrab ma’ ċerta Sarah.
L-akkużata infurmat lill-Qorti li kienet ltaqgħet ma’ Sarah fil-lockup il-Ħamis filgħodu. “Hu qalilha l-istess bħalma kien qal lilha qabadha fuq id-droga ta’ 12-il sena.” Waqt li ippressaha dwar dak li qalet li qatt ma kienet tuża d-droga, l-Avukat Muscat ikkonfrontaha b’sentenza tal-2005 li fiha tpoġġiet taħt probation fuq pussess ta’ eroina.
“Ma niftakarx dak il-każ, imma jekk huwa minnu, id-drogi żgur ma kinux tiegħi.” “Ħadu lil Richard il-qorti diversi drabi…” Azzopardi ikkonferma lill-Qorti li l-każ kien tabilħaqq ġara. Camilleri qalet li kienet taf li Brincat kellu problema tax-xorb iżda ċaħdet li kienet taf li Charlie kien juża d-droga.
Hija kienet taf lilu għal tmien snin qabel l-inċident, peress li kien ir-raġel ta ‘oħtha. Muscat staqsieha jekk semgħetx lill-irġiel jiddiskutu serqu xi ħaġa fil-karozza. “Charlie qatt ma qal li kien se jisraq, qal biss“sejjer niddobba xi haga.” “Meta xi ħadd jaa’ fil-vizzju tad-droga ma jimpurtahx jekk xi ħadd iweġġax,” żiedet tgħid.
Hija ċaħdet li kienet taf fejn kienu sejrin jew saħansitra li rat lill-anzjana vittma. “Ftakar li kont fis-seat ta’ wara. Konna għaddejniha meta Charlie qal lil Attard biex iwaqqaf il-karozza, u qal ‘hawn din, hawn din il-mara, waqqafni hawn’. L-avukati Arthrur Azzopardi u Rebecca Merceica huma avukati difensuri ta’ Bernice Camilleri. L-Avukati Anthony Vella u Karl Muscat, mill-Uffiċċju tal-Avukat Ġenerali, qed imexxu l-prosekuzzjoni.
