Is-Socjeta Maltija tal-iScale Models bdiet topera 41 sena ilu u propju sena wara saret l-ewwel edizzjoni tal-esebizzjoni tal-istess soċjeta.
Din is-sena, is-soċjeta’ qed tiċċelebra l-40 sena minn l-ewwel esebizzjoni ta’ diversi mudelli… fosthom ajruplani, karozzi, dgħajjes u affarijiet li għandhom x’jaqsmu mal-istorja…. fosthom gwerer, affarijiet militari u anke ċivili.
Kyle Mizzi, il-PRO tas-soċjeta stqarr magħna kif fl-esebizzjoni, li ser tkun qed tiftaħ il-bibien għall-pubbliku il-Ġimgħa.. u li ghaddejja fil-Mużew Marittimu tal-Birgu, wieħed jista’ jsib diversi mudelli li ilhom jiġu esebiti għal bosta snin
Bħala membri fis-soċjeta hemm madwar 60 persuna filwaqt li nies li qed jipparteċipaw f’din l-esebizzjoni hemm madwar 40 persuna.
Kull min ikun jixtieq isir membru attiv fis-soċjeta… jista’ jagħmel dan billi iżur l-esebizzjoni li ser tkun miftuħa bejn id-29 ta’ April u l-1 ta’ Mejju mid-09:00 sal-16:30 jew inkella jagħmel kuntatt mas-soċjeta’ permezz tal-paġna tagħhom ta’ Facebook.
