F’att ta’ ġenerożita’ t-tim nazzjonali Malti tal-Futsal għaddew donazzjoni ta’ €1500 lil Puttinu Cares. Dan l-ammont inġabar bejn il-players u l-istaff tat-tim nazzjonali fl-aħħar partita li kellhom barra minn darhom kontra n-Norveġja, bħala parti mill-grupp ta’ kwalifikazzjoni għat-Tazza tad-Dinja tal-Futsal. Wara t-telfa ta’ 9-1 kontra n-Norveġja, t-tim Malti kiseb draw meritat kontra Ċipru ta’ 2-2. Malta tinsab fi Grupp B tal-fażi Preliminari ta’ kwalifikazzjoni għat-Tazza tad-Dinjali se ssir fl-2024, flimkien mad-Danimarka, in-Norveġja u Ċipru, bil-pajjiż li se jospita din il-kompetizzjoni għadu jrid ikun determinat.
