Riżultat li spikka wasal minn Swieqi United li għelbu lil Raiders Lija fit-tielet tentattiv tagħhom dan l-istaġun. Swieqi kellhom wirja pożittiva fejn rebħu 4-1 u ngħaqdu ma’ Mġarr United fit-tieni post b’34 punt.
L-attakkant ta’ Kirkop United Rodianne Zerafa skurjat il-gowls kollha għat-tim tagħha fir-rebħa ta’ 4-0 kontra San Ġwann.
Il-ġimgħa d-dieħla, Swieqi u Imġarr jiltaqgħu fl-Imġarr Ground f’partita li tista’ twassal min jispiċċa fit-tieni post dan l-istaġun.
Kontra Raiders, it-tim ta’ Billy Mock mar fil-vantaġġ wara erba’ minuti permezz ta’ Jessica Dimech.
Qabel il-mistrieħ, Swieqi kabbru l-vantaġġ għal tliet gowls b’ gowls minn Shona Zammit u Jade Flask. L-attakkant Brażiljana Fernanda Peinado skorjat ir-raba’ gowl u s-seba’ wieħed tal-istaġun filwaqt li Michela Bonello Ghio għal Raiders Lija, skorjatil-gowl ta’ konsolazzjoni fil-71 minuta.
Birkirkara għelbu lil Mtarfa 8-0 biex kisbu s-16-il rebħa tal-istaġun biex sa issa skorjaw 74 gowl, tlieta aktar mis-Swieqi.Alishia Sultana u Raina Giusti skurjaw tlett gowls kull waħda. Sultana b’16-il gowl tinsab żewġ gowls biss wara Francesca Chircop ta’ Mġarr United li hija l-aqwa skorer tal-kampjonat.
Il-gowls l-oħra għall-Birkirkara waslu permezz ta’ Ruth Steer Chetham u awtogowl ta’ Julianne Camilleri.
L-attakkant ta’ Kirkop , Zerafa fetħet l-iskor kontra San Ġwann fl-ewwel tliet minuti u tlett gowls oħra bejn it-58 u t-72 minuta .
