Hibernians jinsabu viċin li jirbħu t-13-il Kampjonat tagħhom jekk jiksbu t-tliet punti fil-partita kontra Birkirkara fil-partita ta’ tmiem il-ġimgħa. Hekk kif fadal żewġ partiti għal tmiem il-kampjonat Hibernians jinsabu erba’ punti vantaġġ fuq Floriana li jinsabu fit-tieni post, bir-rebħa fuq Birkirkara tassigura li huma jirbħu l-Kampjoant BOV Premier. Min-naħa għal Floriana rebħa fuq Ħamrun hija mperattiva jekk iridu jżommu ħajjin it-tamiet tagħhom li jirbħu l-Kampjonat.
Mill-Play-Out fil-partiti ta’ tmiem il-ġimgħa jista’ jkun determinat tim ieħor li se jkun relegat flimkien ma’ Sliema għal BOV Challenge League. Fil-konfronta bejn Sirens u Balzan xejn għajr rebħa għal Balzan ma tkun biżejjed biex iżommu t-tama li jibqgħu fil-Kampjonat Premier fl-aħħar ġurnata. Min-naħa l-oħra tim ieħor li qed jiġġieled biex iżomm postu fil-Kampjonat, Santa Lucia se jkunu qed ifittxu tliet punti kontra Sliema, li hu diġa relegati. Għal Santa Lucia tliet punti jkunu jfissru li fl-aħħar partita jkunu jridu biss draw biex iżommu posthom fil-Kampjonat BOV Premier.
KAMPJONAT BOV PREMIER
Illum: Tony Bezzina Stadium Valletta v Mosta 3.00pm, Sirens v Balzan 6.15pm Stadium Nazzjonali Floriana v Ħamrun 4.00pm Għada Stadium Nazzjonali Hibernians v Birkirkara 3.00pm Gżira U. v Gudja U. 6.15pm Tony Bezzina Stadium Santa Lucia v Sliema W. 4.00pm
