Matthias Mizzi
VALLETTA……2
MOSTA ………3
Valletta: A. Guarnone (Y. Cini 68’), S. Dimech (J. Mallia 68’), M. Sansone, C.Gauci, A. Zammit (K. Tulimieri 80’), E. Pena Beltre, D. Promise, R. Muscat, E. Sala (S. Mckay 46’), C. Prado (H. Dilaver 80’)
Mosta: E. Akpan, C. Ememe (M. Mifsud 76’), E. Acheampong (M. Fernandes 88’) , C. Failla, J. Vassallo, B. Diarra, L. Riascos, D. Antwi (N. Agius 56’), R. Morisco, Z. Brincat (W. Donkin 56’), R. Ekani
Skorjaw: R. Morisco 13’, E. Acheampong 25’, C. Ememe 45’, M. Fontanella 57’, H. Dilaver 81’
Imwissija: E. Pena Beltre 75’
Referee: Ishmael Barbara
Assistenti Referees: Roberto Vella & Duncan Spencer
Il-Mument Plejer tal-Logħba: R. Morisco (MST)
BOV Plejer tal-Logħba: R. Morisco (MST)
Mosta jaċċertaw posthom fil-Kampjonat BOV Premier b’rebħa missielta sew. Minkejja it-tliet gowls fl-ewwel taqsima mill-Mostin, fit-tieni taqsima l-Beltin kienu ta’ oppożizzjoni denja biex permezz ta’ żewġ gowls daħlu fil-partita u fl-aħħar ħinijiet tefgħu pressjoni qawwija fuq id-difiża.
Kienu Valletta li ħarġu perikolużi biex mal-għaxar minuti logħob xutt minn ġol-kaxxa ta’ Mario Fontanella ġiemdawwar f’corner minn Etim Akpan. Tliet minuti biss wara u Mosta fetħu l-iskor meta minn free-kick ta’ Clayton Faila, id-difensur Brażiljan Rafael Morisco b’daqqa ta’ ras xellef il-ballun għal ġox-xibka. Fit-22 minuta cross-shot ta’ Caio Prado seta’ faċilment daħal fix-xibka wara li l-ballun ħarab minn id il-goalkeeper Akpan u spiċċa f’corner. Mosta rdoppjaw l-iskor fil-25 minuta permezz ta’ xutt minn tarf il-kaxxa ta’ Edwin Acheampong. Il-Beltin wieġbu man-nofsiegħa logħob. Kien Shaun Dimech li qassam lejn Fontanella b’dan l-aħħar ra l-konklużjoni tiegħu mdawra f’corner.
Bil-pressjoni kollha fuq il-Beltin, fit-tieni taqsima l-‘Whites’ ħarġu aktar offensivi iżda fit-53 minuta Fontanella għamel l-impossibli u minn taħt il-lasta spara għoli. Ħames minuti wara Fontanella jpatti għall-iżball permezz ta’ gowl mill-viċin wara li Akpan ma ħatafx il-ballun minn kross. Fil-81 minuta s-sostitu Haris Dilaver reġa’ daħħal lit-tim tiegħu fil-partita meta minn taħt il-lasta xeħet il-ballun fix-xibka. Minkejja l-pressjoni tal-Whites, il-Mostin għarfu jkunu kompatti f’kull dipartiment biex temmew din il-partita f’rebħa ta’ 3-2.
