Mevrick Cassar għeleb lil Dejan Grech fil-finali tal-Visit Malta Ranking Tournament numru 5 bi skor ta’ 10-9. B’hekk Mevrick Zammit ikkwalifika u se jkun parti mit-tim ta’ Malta tal-irġiel flimkien ma’ Johan Attard, Owen Amato, Clint Grima u Leon Azzopardi fejn se jikkompetu fil-Blackball World Championships li se jsiru f’Albi, Franza bejn it-8 u l-15 ta’ Ottubru.
Fil-Visit Malta Seniors Jesmond Schembri għeleb lil Ivan Rizzo fil-finali bi skor ta’ 10-9. B’hekk JesmonD Schembri kkwalifika biex ikun parti mill-Malta Seniors Team flimkien ma’ Clint Azzopardi u Stefan Mangion.
Fil-Visit Malta Juniors kien Chaylon Castalbi li ħareġ rebbieħ meta fil-finali għeleb lil Steven Muscat bi skor ta’ 7-3.
