Raġel ta’ 33 sena nżamm arrestat flimkien ma’ persuni oħra wara li wettaq żewġ serqiet ta’ flus kontanti minn fuq żewġ anzjani, wieħed ta’ 71 sena, resident il-Marsa u ieħor ta’ 64 sena li hu resident fil-Ħamrun.
Ir-raġel ta’ 33 sena Essid Elssaeh, ġie akkużat b’serq aggravat u bi vjolenza, u wieġeb mhux ħati għall-akkużi miġjuba kontrih.
Elssaeh inżamm arrestat fil-Faċilita’ Korrettiva ta’ Kordin, hekk kif ma saret l-ebda talba għall-ħelsien mill-arrest minħabba li ma’ kellu ebda indirizz fiss f’Malta.
