Sa żewġ minuti minn tmiem il-partita Salernitana deħru resqin lejn tlett punti oħra fit-tentattiv biex iwettqu l-miraklu li jżzommu posthom fis-Serie A. Madankollu l-gowl ta’ Pasalic biddel għal kollox il-fisonomija tal-partita. Salernitana baqgħu t-tielet mill-aħħar b’26 punt tnejn anqas minn Cagliari. B’Salernitana aktar fil-partita ma kienetx sorpriża li fis-27 minuta marru fil-vantaġġ.
Minn azzjoni ta’ Milan Djuric kien EDERSON li għeleb lil Juan Musso. Il-gowl wassal għal reazzjoni minn Atalanta f’mumenti bil-partita tkun falluża tant li fit-38 minuta spiċċaw ammoniti minn Marco Guida – Djuric, Jose Luis Palomino u Merih Demiral. 1 – 0 fi tmiem l-ewwel taqsima. Dominju assolut minn Atalanta matul it-tieni taqsima. Madankollu kien biss fit-88 minuta li meritatament kisbu l-gowl tad-draw b’MARIO PASALIC jgħeleb lil Luigi Sepe minn azzjoni ta’ Ruslan Malinovskyi.
SERIE A
Illum: Atalanta v Salernitana 1-1
