Kultura Lokali

Jintemm il-Festival Internazzjonali tan-Nar

Is-Sibt filgħaxija ġie fi tmiemu il-Festival Internazzjonali tal-Logħob tan-Nar b’wirja piroteknika mill-isbaħ fil-Port il-Kbir.

Din kienet fil-fatt il-wieħed u għoxrin edizzjoni ta’ dan il-Festival Internazzjonali, organizzat mill-Awtorità Maltija għat-Turiżmu – festival li issa sar parti mill-kalendarju ta’ attivitajiet li jiġu organizzati tul is-sena.

L-edizzjoni 2022 tal-Festival Internazzjonali tal-Logħob tan-Nar bdiet fl-20 ta’ April fil-Port il-Kbir, b’wirjiet fit-22 ta’ April, fil-Mellieħa; fit-23 ta’ April fil-Bajja ta’ Marsalforn; fis-26 ta’ April f’Wied il-Għajn, u fl-Imqabba fid-29 ta’ April…. qabel il-Grand Finale fil-Port il-Kbir.

B’kollox din is-sena ħadu sehem, 24 Kamra tan-Nar u 52 Għaqda, filwaqt li għall-kompetizzjoni ħadu sehem 6 Għaqiet Lokali, u tlett għaqdiet internazzjonali li ġew f’pajjina mill-Italja, mir-Renju Unit u mill-Estonja.

Il-festival intrebaħ mill-Kamra tan-Nar Phoenix tar-Renju Unit li ġew ikklassifikati fl-ewwel post. Segwiti minn Magic Fire tal-Italja. Il-Kamra tan-Nar ta’ Sant’ Andrija ta’ Ħal Luqa ġiet klassifikata fit-tielet post.