Raġel ta’ 38 sena mill-Maċedonja ma nstabx ħati ta’ vjolenza domestika u dan wara li f’Novembru ta’ sentejn ilu kien ġie milxi i ffastidja lill-ex sieħba tiegħu li tiġi omm uliedu, li kkawżalha vjolenza psikoloġika, li kkaġuna biża’ li se tintuża vjolenza kontriha, li heddidha b’messaġġi fuq il-mobile u li għajjarha.
Shojlev Dragan li meta tressaq il-Qorti qal li jgħix f’garaxx, ma nstabx ħati mill-Maġistrat Brigitte Sultana li kienet qed tippresiedi l-Qorti ta’ Għawdex. Dragan dejjem ċaħad l-akkużi miġjubin kontrih u kien inżamm arrestat meta tressaq il-Qorti fit-22 ta’ Novembru tal-2020. Huwa ma nstabx ħati li wettaq dawn ir-reati fid-29 ta’ Lulju 2019, fin-12 :30 a.m. u fix-xhur u s-snin ta’ qabel, bl-aħħar inċident kien qed jiġi allegat li seħħ fl’appartament tiegħu fir-Rabat, Għawdex.
il-Qorti tirrimarka qalet li wara ħarsa bir-reqqa tax-xhieda mogħtija mill-Prosekuzzjoni, huwa ċar li l-verżjoni tal-avvenimenti kif deskritti mill-mara allegata vittma tinsab f’kuntrast qawwi mal-verżjoni mogħtija mill-akkużat meta huwa xehed. Fis-sentenza tagħha l-Maġistrat Sultana qalet li l-prosekuzzjoni ma ressqet l-ebda prova konvinċenti filwaqt li dak li qalet l-allegata vittma huwa inkonsistenti għall-aħħar.
Il-Qorti qalet li l-koppja kienu waħedhom fl-appartament tagħhom meta kellhom il-argument li wassal biex inħarġu l-akku]i fil-konfront tal-imputat. Għalhekk, m’hemmx xhieda li jistgħu jikkorroboraw verżjoni jew oħra. Huwa prinċipju aċċettat li l-oneru huwa fuq il-prosekuzzjoni li tippreżenta l-aqwa prova sabiex tikkonvinċi lill-qorti li l reati fil-fatt seħħew.
Is-social workers li xehdu f’dan il-każ kollha jaqblu li Axiaq tbati minn paranojja fejn taħseb li n-nies iridu jweġġgħuha. Dan ħareġ ċar mill-mod kif hija xehedet waqt dawn proċedimenti, qalet il-Qorti. Hija baqgħet tirrepeti li hija vittma, li ġiet abbużata u saitilha ħsara iżda l-atti ma fihom ebda prova bħal din u l-ħaddiema soċjali ikkonfermaw li kien hemm diversi każijiet meta hija inqabdet ma tgħidx il-verità jew aħjar ma tkunx konsistenti fil-verżjoni tagħha tal-fatti.
Il- social workers stqarrew ukoll li ppressawha biex tagħti prova tagħha allegazzjonijiet dik li Dragan kien vjolenti fir-rigward tagħha, iżda qatt ma pprovdiet tali prova. F’okkażjoni minnhom kienet bagħtet filma lilhomt, iżda l-ħaddiema soċjali qalu li ma kienx hemm vjolenza li qed tiġi indirizzata lejha fil-filmat mibgħut. Il-Qorti nnotat li dan il-filmat ma ġietx ippreżentata fl-atti tal-kawża.
Is-Surġent Jason Spiteri qal fil-Qorti li mara Maltija kien sejħet għall-assistenza tal-pulizija qrib il-Mc Donalds, fir-Rabat Għawdex, allega li kienet għadha kemm qalgħet daqtejn mill-akkużat u li kien ħaraqha wkoll bis-sigarett tiegħu. Hija kienet ittieħdet fid-dipartiment tal-emerġenza fejn it-tabib Joseph Galea iċċertifika li kienet qed isofri minn ġrieħi ħfief.
Spiteri kkonferma li ma kienx preżenti meta seħħ l-inċident u qal li t-tabib kien iċċertifika li kellha girfa fuq in-naħa tax-xellug tax-xedaq tagħha, u oħra fuq in-naħa tal-lemin ta’ mnieħirha, żewġ marki ħomor fuq sidirha tax-xellug u marka ħamra fuq il-lemin ta’ sidirha. Dawn il-marki kienu ta’ forma ċirkolari b’dijametru ta’ wieħed ċentimetru.
Il-mara xehdet li kienet f’relazzjoni mal-akkużat li kienet iltaqgħet miegħu fl-20 ta’ April 2014. Spjegat li huma jgħixu flimkien mhux fuq bażi permanenti peress li hija vvjaġġat ħafna matul dawn iż-żminijiet. Ir-relazzjoni hija waħda indifferenti għax il-partijiet ma jmorrux tajjeb flimkien sal-punt li jargumentaw ħafna.
Hija rreferiet għal inċident li kien seħħ nhar il-Ġimgħa 26 ta’ Lulju 2016 fejn waqt li hi kienet f’ħanut tax-xorb f’Buġibba raġel li jismu Chris offrelha drink. Ħadet ukoll xi ritratti miegħu u bagħtethom lill-akkużat. L-akkużat imbagħad sabha fil-bar u qabad jiġġieled ma Chris u beda jakkużaha li kienet infidila u huwa pproċeda biex għamel sigarett fuq ġilda tagħha u spiċċa ħaraqaha.
Il-vittma mbagħad marret ma’ dan Chris għal aktar xorb fi tliet bars oħra. Intant l-akkużat telaq u fil-filgħaxija l-vittma marret lura l-lukanda San Antonio fejn kienet kienet toqgħod. Hija kienet iddeċidiet li ma tirrapportax dan l-inċident speċifiku lill- pulizija.
Hija spjegat li l-akkużat ma kienx jafdha u fil-fatt hu paranojiku dwar il-fatt li hi tara rġiel oħra. Żiedet ukoll li l-akkużat jabbużaha verbalment billi jgħid li hi mentalment instabbli u ma tistax tieħu ħsieb lilha nfisha u t-tewmin tagħhom. Dwar l-aħħar inċident hija spjegat li kellha tirritorna l-Awstralja iżda minħabba żball dwar id-data tal-biljett tar-ritorn kellha toqgħod Malta aktar.
Qalet li kienu jargumentaw fejn l-akkużat kien qed iwaħħal fiha għall-fatt li wliedhom tpoġġew f’orfanatrofju. Żiedet tgħid li kienu qed jargumentaw ukoll dwar il-fatt li l-akkużat ma kienx għadu iżżewwiġha. Waqt l-argument l-akkużat allegatament ukoll hedded li jaħraqha ħajja. Hekk kif komplew jargumentaw il-vittma bdiet tiġbor l-affarijiet tagħha u mbagħad irnexxielha taħrab fit-triq biex titlob l-għajnuna.
L-akkużat kien semma r-relazzjoni tiegħu mal-vittma u qal li ma riditx tiltaqa miegħu aktar imma ried li jkompli jaraha. Doreen Vella, mexxej tas-Servizzi għall-Ħarsien tat-Tfal mal-Appoġġ, stqarret li kien hemm żmien meta kienu qed jassistu lil mara li dak iż-żmien kienet tqila.
Matul dan iż-żmien il-vittma rrifjutat li tara lill-akkużat iżda madankollu l-akkużat baqa’ sejjer fil-post fejn kienet tkun il-mara, sakemm darba waħda, kien ipprojbit milli jidħol f’dak il-bini. Hi spjega li l-akkużat kien ipprojbit ukoll minn Dar Papa Franġisku minħabba l-imġieba abbużiva tiegħu. Vella spjegat li l- l-akkużat qatt ma kien fiżikament aggressiv fil-konfront tagħha.
l-mara kienet telqet lejn il-Greċja meta t-tewmin bilkemm kellhom xahar. Is-Social Worker spjegat li rriżulta li kien hemm li l-mara kienet għal kura fi sptar psikjatriku Grieg qabel il-wasla tagħha f’Malta. Daż-żmien baqgħet issostni li hija kienet fil-periklu u li l-akkużat kien qed jiġri warajha u jkun abbużiv fir-rigward tagħha.
Hija allegat li l- l-akkużat ipprova jistupraha u pprova jimbottaha t-taraġ waqt li hi kienet tqila. L-ebda prova ma tressqet minnha biex issostniha allegazzjonijiet. Makedonka Williams, li hija oħt l-akkużat, xehdet li kienet ilha taf lill-mara għal dawn l-aħħar ħames snin.
Hija spjegat li l-partijiet iltaqgħu fuq il-post tax-xogħol tagħhom u minn hemm bdew relazzjoni. romatika Dak iż-żmien il-vittma kienet qed tivvjaġġa ħafna madwar id-dinja. Williams spjegat li fiż-żmien meta l-mabuba ta’ ħuha iddaħħlet l-Isptar Monte Carmeli hi issejħet biex taġixxi bħala gwardjana għal mara u biex tgħinha tieħu xi korsijiet u tistruttura ħajjitha bi tħejjija għalihom maternità.
Madankollu, l-affarijiet ma marrux kif ippjanat hekk kif l-mara telqet minn Malta u ħallitilha nota fejn talbitha tieħu ħsieb it-trabi. It-tfal ittieħdu fl-orfanatrofju immedjatament wara t-twelid peress li l-omm kienet meqjusa bħala perikoluża fir-rigward tagħhom.
It-trabi mbagħad ittieħdu lejn l-Awstralja meta kellhom madwar sena u nofs. Williams spjegat li bħala familja kienu jittrattaw tajjeb lil maħbuba ta’ ħuha, iżda din kellha problemi mentali li għamluha manipulattiva, u ta’ intellett emozzjonali huwa baxx ħafna u jagħmilha inkapaċi li tieħu ħsiebha tfal tewmin.
Hija spjegat li fl-okkażjoni li kienet ammessa fl-Isptar Monte Carmeli fl-2018 Axiaq kien hedded li tweġġa’ lill- trabi, għalhekk kien meqjus aħjar li tingħata trattament. Wara welldet hija telqet lejn l-Awstralja peress li Malta kellha bżonn gwardjana biex tieħu ħsiebha, iżda l-ġenituri tagħha ma setgħux jiġu.
Williams spjegat li l-akkużat kien iħobbha ħafna, imma r-relazzjoni kienet waħda diffiċli, “splussiva” għax hu kienet “mingħajr kontroll bi provokazzjoni, manipulazzjoni, bħal tifla żgħira li trid tilgħab”. Williams xehdet li l-ara kienet qed tikkawża skandli billi turi lilha nfisha pubblikament ma’ rġiel oħra, kienet ukoll turi li hija sinjura fuq il-media soċjali.
Minn dak li nstema’ mill-Qorti u fid-dawl ta’ dak li ngħad, il-Qorti qalet li hija l-opinjoni li l-akkużi miġjuba kontra l-akkużat ma jirriżultawx. Għalhekk, hija ddikjarat li Dragan Shojlev mhux ħati tal- akkużi miġjuba kontrih u konsegwentement illiberatu mill-akkużi kollha.
