Rapport: Stewart Said
NEPTUNES VIDEOSLOTS….. 13
EXILES……………………………. 7
(3-2), (3-2), (5-2), (2-1)
Neptunes saħħew ir-raba’ post b’rebħa fuq Exiles. Konfront li fih it-tim ta’ Jovan Popovic qatt ma deher fil-periklu li jitlef il-massimu tal-punti. Iżda dan ma jfissirx li Exiles kellhom prestazzjoni deludenti. Aurelien Cousin kellu lill-gowlkiper Matthew Castillo nieqes għal partita oħra.
Sal-ewwel żewġ sessjonijiet, Neptunes kellhom vantaġġ ta’ gowl għal ħafna mill-ħin. Mark Fenech kien wieġeb għall-penalty ta’ Sam Gialanze u Philip Paris naqqas id-distakk għal 3-2 lejn tmiem l-ewwel sessjoni.
Fit-tieni sessjoni, Neptunes irduppjaw il-vantaġġ darbtejn iżda pronta kienet ir-risposta ta’ Exiles. Il-gowl ta’ James Spiteri Staines fl-aħħar attakk tas-sessjoni donnu witta t-triq għar-rebħa ta’ Neptunes.
Dan għaliex sal-ewwel nofs tat-tielet sessjoni, id-distakk kiber għal 9-4 bi tliet gowls konsekuttivi. Exiles pruvaw jibqgħu fil-logħba b’gowls ta’ Matteo Martellacci u Jake Bajada, iżda Jordan Camilleri u Sam Gialanze żammew il-vantaġġ ta’ ħames gowls. L-aħħar sessjoni kienet formalità, b’Neptunes baqgħu jikkontrollaw.
Neptunes: A. Borg Cole, M. Zammit, S. Gialanze (2), G. Pace, J. Cachia (2), J. Spiteri Staines (3), M. Castillo (2), J. Camilleri (2), R. Galea, M. Spiteri Staines (2), D. Bugeja, M. Farrugia, Mi. Farrugia, L. Mallia, B. Zammit
Exiles: G. Borg, N. Saliba, S. Apap, P. Paris (1), T. Sullivan, S. Xerri de Caro, M. Fenech (1), K. Griscti, N. Paris, J. Bajada (3), M. Aquilina, D. Fenech, M. Martellacci (2), L. Gialanze, M. Paris Roding
Referees: Richard Magri, Alex de Raffaele
OTTERS NIVEA………………… 6
BARRACUDAS…………………. 10
(2-2), (2-3), (2-3), (0-2)
Barracudas temmew il-Kampjonat tax-Xitwa bl-aħjar mod possibbli b’rebħa kontra Otters. Din kienet l-ewwel rebħa ta’ Barracudas minn meta rritornaw fix-xena lokali tal-waterpolo.
Fl-ewwel sessjoni Aleandro Mifsud u Andrew Magri wieġbu f’żewġ okkażjonijiet minn man-ups għall-gowls ta’ Otters. Barracudas irnexxielhom imorru fil-vantaġġ għall-ewwel darba fit-tieni sessjoni iżda din id-darba kien imiss lil Otters li ġabu d-draw darbtejn. Dan sakemm Aleandro Mifsud skorja t-tielet gowl personali u daħħal lil Barracudas jistrieħu 5-4 fil-vantaġġ.
Otters li diġà kellhom skwadra qasira, tilfu lil Karl Scicluna u Luke Grech Carr bit-tielet fawl. Dan għamilha iktar faċli biex għall-ewwel darba fil-logħba, id-distakk bejn it-tnejn kien ta’ żewġ gowls. Andrew Magri u Ryan Sciortino skorjaw darbtejn fi ftit sekondi lejn nofs it-tielet sessjoni.
Għalkemm il-logħba kienet għadha miftuħa fl-aħħar sessjoni, Otters dehru bla saħħa biex idawru l-iżvantaġġ b’Andrew Magri jissiġilla r-rebħa b’gowl fil-bidu u fl-aħħar tas-sessjoni.
Otters: M. Xerri, M. Bonnici (1), K. Scicluna, L. Grech Carr (2), K. Micallef, D. Dimech, I. Azzopardi, S. Dimech (1), L. Dimech (1), Z. Bartolo (1), M. Grech
Barracudas: M. Borg, A. Piccione, A. Magri (4), P. Micallef (1), D. Ciantar, R. Sciortino (2), S. Aquilina, L. Galea, D. Camilleri, S. Camilleri, A. Mifsud (3), T.J. Mifsud, C. Bugeja
Referees: Stefan Licari, Peter Balzan
Logħob li jmiss
Għada
L-Ewwel Diviżjoni: Ta’ Xbiex v Marsaskala 6.15pm
Kampjonat Premier: San Ġiljan v Birżebbuġa 7.20pm, Sliema v Sirens 8.25pm
