Raġel ta’ 32 sena residenti Marsaxlokk ġie arrestat waqt operazzjoni li saret mill-Pulizija mill-Iskwadra ta’ Kontra d-Droga, b’rabta ma’ traffikar u importazzjoni tad-droga lejn Malta minn Sqallija.
L-arrest sar tard nhar it-Tnejn filgħaxija wara li l-Pulizija kienu qegħdin isegwu l-movumenti ta’ dinghy. Kienu għall-ħabta tas-sebgħa ta’ filgħaxija xħin il-Pulizija ċċirkondaw id-dinghy hekk kif trakka ma’ moll f’Dellimara.
Fuq id-dinghy kien hemm ir-raġel u wara li saret tfittxija instabu erba’ kilos cannabis, li l-valur fit-triq ilaħħaq iktar minn €100,000.
Il-Magistrat tal-Għassa Victor Axiak qiegħed imexxi inkjesta.
Ir-raġel mistenni jitressaq il-Qorti llum, fit-15:00 , quddiem il-Maġistrat tal-Għassa Caroline Farrugia Frendo.
