Rapport: Stewart Said
BIRŻEBBUĠA FREEPORT……. 8
EXILES……………………………… 9
(1-1), (1-1), (4-2), (2-5)
Dak li deher diffiċli f’mument minnhom, sar possibbli. Exiles irnexxielhom itemmu l-Kampjonat tax-Xitwa tagħhom fuq nota pożittiva meta kisbu l-ewwel rebħa tagħhom. Konfront missielet li wera l-bilanċ bejn it-tnejn, bit-tim ta’ Birżebbuġa kien rebaħ fl-ewwel rawnd 9-7.
Fl-ewwel parti tal-logħba ma kien hemm l-ebda tim li wera superjorità u ma kinitx sorpriża li kien jeżisti bilanċ fil-gowls skorjati. Birżebbuġa marru fil-vantaġġ f’żewġ okkażjonijiet permezz ta’ Ben Grech, iżda Exiles wieġbu darbtejn.
Fit-tielet sessjoni, il-logħba żiedet fl-intensità tagħha. Wara li Matteo Martellacci kien wieġeb għat-tielet gowl ta’ Grech, Birżebbuġa fetħu distakk ta’6-3. Fosthom spikka episodju li Exiles setgħu naqqsu d-distakk għal gowl iżda l-gowl tħassar u mill-azzjoni sussegwenti skorjaw Birżebbuġa.
Jake Bajada ta ċans lil Exiles fl-aħħar sessjoni meta naqqas id-distakk għal żewġ gowls. L-okkażjoni ttieħdet hekk kif fl-ewwel nofs tal-aħħar sessjoni, Exiles irnexxielhom idawru r-riżultat għal 8-6 favurihom, b’Max Aquilina jispikka bi tripletta.
Russell Spiteri naqqas id-distakk iżda Kurt Griscti żamm il-vantaġġ doppju. Keith Tanti ħalla lil Birżebbuġa jittamaw u kellhom ukoll iċ-ċans li jevitaw it-telfa iżda David Cutajar ra l-penalty tiegħu jaħbat mal-mimduda fl-aħħar ftit sekondi.
Birżebbuġa: M. Vassallo, J. Farrugia, N. Cassar (1), B. Grech (4), C. Mifsud, R. Mock, G. Mannino, D. Cutajar, M. Giratana, K. Tanti (2), R. Spiteri (1), M. Curmi, M. Sladden, D. Incorvaja, G. Sammut
Exiles: G. Borg, N. Saliba, S. Apap, P. Paris, T. Sullivan, S. Xerri de Caro (1), M. Fenech (1), K. Griscti (1), N. Paris, J. Bajada (1), M. Aquilina (4), D. Fenech, M. Martellacci (1)
Referees: Ronnie Spiteri, Massimo Angileri
OTTERS NIVEA………….. 6
TA’ XBIEX AMIGOS……. 10
(1-5), (2-1), (1-3), (2-1)
Ta’ Xbiex ikkonfermaw it-tielet post fl-Ewwel Diviżjoni. Ir-rebħa waslet wara li fl-ewwel konfront bejniethom, kienu spiċċaw fi draw ta’ 1-1. Otters kellhom logħba għat-telgħa wara bidu negattiv, perjodu li għalkemm wettqu reazzjoni, baqgħu ma rkuprawx minnu.
It-tim ta’ Dejan Simeonov fetaħ vantaġġ komdu ta’ 5-1 fl-ewwel sessjoni. Elijah Schembri u Julian Chircop skorjaw minn żewġ man-ups. Zion Bartolo naqqas id-distakk iżda Edward Aquilina għamilhom 3-1, bl-iskor jikber b’żewġ penalties skorjati.
Otters ittantaw jidħlu fil-logħba hekk kif sal-bidu tat-tielet sessjoni, naqqsu d-distakk għal 6-4 minn penalty ta’ Luke Grech Carr. Madankollu, Elijah Schembri kabbar id-distakk immedjatament minn man-up u wara minn penalty, b’Edward Aquilina jagħmilhom 9-4.
Bit-tliet punti deċiżi fejn se jmorru, Ta’ Xbiex ikkontrollaw il-logħba, b’Otters jirnexxilhom tal-anqas jagħmlu l-iskor rispettabbli b’żewġ gowls.
Otters: M. Xerri, M. Bonnici (1), K. Scicluna, L. Grech Carr (2), K. Micallef, D. Dimech (1), S. Dimech, L. Dimech, M. Farrugia (1), Z. Bartolo (1), G. Gatt Ellis
Ta’ Xbiex: R. Coleiro, C.J. Saliba, E. Aquilina (3), J. Pace Mizzi, E. Meli, S. Engerer, Z. Cutajar Licari (1), J. Cassar, E. Schembri (5), B. Attard Littschwager, P. Tabone, J. Chircop, Z. Dzanovic
Referees: Alex de Raffaele, Peter Balzan
Logħob li jmiss
Għada
L-Ewwel Diviżjoni
Marsaskala v Valletta 4.00pm
Kampjonat Premier
Sirens v Neptunes 5.05pm
Sliema v San Ġiljan 6.10pm
Kampjonat Premier
L R D T F K Pti
Sliema 9 9 0 0 119 39 27
San Ġiljan 9 8 0 1 121 55 24
Sirens 9 4 1 4 68 88 13
Neptunes 9 3 1 5 77 81 10
Birżebbuġa 10 1 2 7 62 119 5
Exiles 10 1 0 9 64 129 3
L-Ewwel Diviżjoni
L R D T F K Pti
Valletta 7 7 0 0 86 34 21
Marsaskala 7 6 0 1 107 38 18
Ta’ Xbiex 8 3 1 4 80 85 10
Otters 8 1 1 6 48 101 4
Barracudas 8 1 0 7 57 120 3
