Matthias Mizzi
BIRKIRKARA…………………..0
ĦAMRUN SPARTANS……….1
Birkirkara: D. Fernandes, E. Ruiz, E. Pepe, L. Montebello (O. Carniello 79’), C. Bonani, P. Mbong (N. Cross 72’), K. Zammit, F. Falcone (K. Bevis 61’), R. Scicluna, L. Aguirre, J. Macedo ( B. Ngissah 79’)
Ħamrun Spartans: H. Bonello, D. Gojkovic, J. Mbong, A. Soares (I. Ntwo 69’), A. Oyama, S. Borg, F. Sasere (L. Gambin 77’), M. Fedele, J. Corbolan, E. Marcelina, F. El Bakhtaoui (P. Dordevic 88’)
Skorjaw: F. Sasere 14’
Imwissija: F. El Bakhtaoui 16’, M. Fedele 52’, J. Corbolan 61’, L. Gambin 81’, E. Marcelina 82’, I. Ntwo 90’
Referee: Matthhew De Gabriele
Assistenti Referees: Jurgen Spiteri & Mitchelll Scerri
Il-Mument Plejer tal-Logħba: D. Fernandes (BKR)
BOV Plejer tal-Logħba: M. Fedele (ĦMR)
Ħamrun Spartans jtemmu l-istaġun fit-tielet post u assiguraw post fil-kwalifikazzjonijiet Ewropej meta fl-Istadium Nazzjonali huma għelbu lit-tim immexxi minn Johann Holland bl-iskor minimu ta’ 1-0. Għal Birkirkara dan il-konfront kien ukoll wieħed importanti għaliex b’rebħa kienu jaqbżu lill-istess Ħamrun. Minkejja r-rebħa minima, fl-ewwel taqsima Ħamrun setgħu faċilment jidħlu jistrieħu b’vantaġġ ferm ikbar wara numru ta’ saves spettakolari mill-goalkeeper ta’ Birkirkara.
Kienu Ħamrun li resqu l-ewwel lejn il-lasti avversarji meta proprju fl-għaxar minuta Matteo Fedele xeħet pass lejn il-kaxxa ż-żgħira bid-difensur laterali Kurt Zammit kien f’pożizzjoni tajba biex leħħa l-periklu. Żewġ minuti wara Ryan Sicluna li leħħa l-ballun minn gowl ċert fuq il-linja. Ħamrun sarrfu l-isforzi tagħhom fl-erbatax-il minuta meta kross ta’ Fedele sab lil Sasere fi-kaxxa, b’dan ħataf l-opportunità minn żball fid-difiża u tefa’ l-ballun fix-xibka. Kulma kompla Ħamrun komplew jiddettaw il-partita biex minuta biss wara Daniel Fernandes imblokka xutt ta’ Joseph Mbong f’ħarba veloċi minn bejn id-difensuri ċentrali. Qabel il-mistrieħ l-istess Fernandes wettaq numru ta’ saves mill-aqwa f’żewġ azzjonijiet differenti. L-ewwel darba kien Joseph Mbong li b’pass mill-aqwa għadda lejn Fedele bix-xutt tiegħu ġie mdawwar f’corner. Mill-istess corner Birkirkara kienu fortunati li ma dabbrux it-tieni gowl meta wiċċ imb’ wiċċ mal-istess plejer Ħamruniż Fedele, Fernandes reġa’ mblokka.
Fit-tieni taqsima Birkirkara ħarġu aħjar biex fid-69 minuta Enzo Ruiz ittanta xortih minn free-kick mid-distanza iżda l-konklużjoni tiegħu kienet waħda ċentrali. Wara din l-azzjoni, il-partita naqqset mir-ritmu b’Ħamrun jiddefendu l-vantaġġ u Birkirkara aktar fuq l-offensiva. Fir-84 minuta l-istess tim immexxi minn Jonathan Holland reġa’ ttanta xortih minn free-kick ieħor din id-darba mogħti minn Claudio Bonani. Birkirkara bqgħu jipprovaw minn kollox biex żewġ minuti wara Leonardo Aguirre spara għoli wara pass taż-żagħżugħ Nathan Cross.
