Hekk kif qed joqrob tmiem l-istaġun, bosta rapporti fil-media internazzjonali qed jindikaw li kemm Erling Haaland kif ukoll Paul Pogba mistennija jiċċaqalqu mill-clubs rispettivi tagħhom fi tmiem l-istaġun. L-attakkant Norveġiż ta’ Borussia Dortmund mistenni jilħaq ftehim ma’ Man City, hekk kif il-club Ingliż mistenni jħallas is-somma ta’ €74 miljun, bl-attakkant diġa nforma lit-tim Ġermaniż bl-intenzjoni li jitlaq.
Min-naħa l-oħra Paul Pogba mistenni jħalli lil Man Utd fi tmiem il-kuntratt fi tmiem l-istaġun. Minkejja li fl-aħħar jiem kien hemm xniehat li Pogba jista’ jissieħeb lir-rivali Man City, jidher li l-preferenza ta’ Pogba hu li jinqaħgad ma’ club barra mill-Ingilterra, b’Real Madrid u PSG fost il-favoriti li jiffirmaw lill-midfielder Franċiż ta’ 29 sena.
Għal Pogba hemm interessati wkoll l-eks club tiegħu Juventus li kellu suċċess kbir fl-erba’ snin li qatta’ mal-club f’Turin. Ma’ Man Utd Pogba ma rnexxielux iħalli l-impatt mixtieq, biż-żmien tiegħu mar-Red Devils ikun mtappan b’diversi injuries.
