Hekk kif ftit tal-ħin ilu, ġiet fi tmiema l-ewwel serata tal-Eurovision Song Contest ta’ din is-sena fejn ġiet ipprezentata mill-kantanti rinomati Laura Pausini u Mika flimkien ma’ Alessandro Cattelan fil-belt ta’ Turin fl-Italja, issa ġew imaħħbra l-għaxar artisti li kisbu posthom fiss-serata finali ta’ nhar is-Sibt 14 ta’ Mejju, filwaqt li 7 artisti oħra ġew eliminati.
Il-Pajjiżi li kkwalifikaw huma (fl-ordni li tħabbru):
- L-Isvizzera bil-kanzunetta Boys Do Cry
- Armenja bil-kanzunetta Snap
- L-Izlanda bil-kanzunetta Með Hækkandi Sól
- Litwanja bil-kanzunetta Sentimentai
- Portugall bil-kanzunetta Saudade, Saudade
- Norvegja bil-kanzunetta Give That Wolf A Banana
- Grecja bil-kanzunetta Die Together
- Ukrajna bil-kanzunetta Stefania
- Moldova bil-kanzunetta Trenulețul
- L-Olanda bil-kanzunetta De Diepte
Dan ifisser li s-7 pajjiżi li ma jrexxilhomx jagħmluha għall-finali huma:
- L-Albanija bil-kanzunetta Sekret
- Slovenja bil-kanzunetta Disko
- Bulgarija bil-kanzunetta Intention
- Kroazja bil-kanzunetta Guilty Pleasure
- Danimarka bil-kanzunetta The Show
- L-Awstrija bil-kanzunetta Halo
- Latvia bil-kanzunetta Eat Your Salad
L-għaxar kanżunetti li għaddew ilejla, se jikkompetu fil-finali tal-Eurovision ta’ din is-sena nhar is-Sibt 14 ta’ Mejju, flimkien ma’ għaxar kanzunetti oħra li sejrin jikkwalifikaw minn fost 18-il kanzunetta fit-tieni semi finali tal-Eurovision Song Contest, li se jsir nhar il-Ħamis 12 ta’ Mejju. F’din is-serata Malta se tkun qed tikkompeti fis-sitt post, permezz tal-kanzunetta ‘I am what I am’ kantata minn Emma Muscat.
Tul is-serata finali tas-66 edizzjoni tal-Eurovision Song Contest, il-ħames pajjiżi l-kbar li huma l-Italja, Franza, Germanja, Spanja u Renju Unit ser ikunu qed jikkompetu wkoll flimkien mal-20 finalista li ser jgħaddu wara li jikkompetu fl-ewwel u t-tieni Semi-finali.
