F’partita li Tottenham iddominaw għal ħinijiet twal bla dubju li t-tkeċċija ta’ Holding wara n-nofs siegħa logħob kellha effett fuq l-andament tal-partita. Rebħa li permezz tagħha Tottenham minkejja li baqgħu fis-sitt post jinsabu biss punt taħt Arsenal.
Fit-22 minuta Tottenham fetħu l-iskor. Foul ta’ Cedric Soares fuq Heung Min Son. Paul Tierney saffar penalty b’ HARRY KANE jgħeleb lil Aaron Ramsdale. Fit-33 minuta tkecca għal Arsenal Rob Holding wara ammonizzjoni doppja. Tottenham approfittaw u erba’ minuti wara minn azzjoni ta’ Rodrigo Betancour kien mill-ġdid HARRY KANE li għeleb lil Ramsdale. 2 – 0 : riżultat li biħ intemmet l-ewwel taqsima.
Fis-47 minuta minn cross ta’ Davinson Sanchez, Gabriel ikklerja ħażin, approfitta HEUNG MIN SON li għamel l-iskor 3 – 0 u litteralment għalaq il-partita.
PREMIER LEAGUE
Tottenham v Arsenal 3-0
