Għall-ħabta tas-7.15pm ittajjar tifel ta’ tliet snin minn vettura fi Triq il-Qalet, Marsaskala.
Fuq il-post issejħet l-assistenza tal-Pulizija u tim mediku biex jassistu lit-tifel. Iktar tard hu ttieħed l-Isptar Mater Dei għal iktar kura.
Fortunatament, it-tifel ta’ nazzjonalità barranija, jidher li ma sofriex minn ġrieħi serji iżda se jinżamm l-Isptar għall-osservazzjoni.
Parti mit-triq ingħalqet għat-traffiku għal xi ħin.
Għadu mhux magħruf x’wassal għal dan l-inċident.
