Dalgħodu, għall-ħabta tas-1:30am, il-Pulizija ntalbet tassisti fi Triq San Ġorġ, San Ġiljan.
Il-Pulizija marret fuq il-post u mill-ewwel investigazzjonijiet irriżulta li Franċiż ta’ 26 sena, ġie aggredit minn persuna li ħarab minn fuq il-post qabel waslu l-Pulizija.
Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
