Ftit tal-ħin ilu ċ-Chairperson tal-Kummissjoni Elettorali tal-PN Peter Fenech qal li kollox qed jidher li Bernard Grech ġab 81% tal-Kunsilliera eliġibbli li jivvutaw fl-Elezzjoni ta’ Kap tal-PN.
Peter Fenech qal li minn 1,564, ivvutaw 1,402. 1,390 validi, 12-il vot kienu invalidi.
Vot IVA għal Bernard Grech kien dak ta’ 1,124, filwaqt li dak LE kien 266
F’din l-elezzjoni vvutaw aktar minn 90% ta’ dawk eleġibbli li jivvutaw – turnout qawwi, illi fih innifsu juri wkoll parteċipazzjoni b’saħħitha f’dan il-process demokratiku li kellu jsir skont l-istatut tal-partit wara r-riżultat tal-elezzjoni ġenerali.
Il-votazzjoni bdiet nhar it-Tnejn li għadda u kompliet il-Ġimgħa u matul il-ġurnata tas-Sibt kemm f’Malta kif ukoll f’Għawdex.
