Illum, mit-3.20 pm ‘l quddiem fuq NetTV jixxandar it-28 programm ‘Sport Extra’ fejn fl-ewwel parti l-enfażi fuq is-suċċessi miksuba minn Stalites Fijo Basketball Club bir-rebħ tal-Kampjonat.
Mistiedna l-kowċ tat-tim PAUL FERRANTE li bir-rebħ tal-Kampjonat kien ir-raba’ wieħed tiegħu fil-karriera. Mistieden wkoll l-Aktar Plejer Validu fil-Kampjonat Nazzjonali ALEC FELICE PACE . Matul l-intervisti analiżi dwar dak li seħħ matul il-Kampjonat.
Fit-tieni parti tal-programm il-mistieden huwa l-atleta paralimpiku ANTONIO FLORES li wara xhur ta’ riabilitazzjoni għandu jirritorna jikkompeti f’Pariġi ix-xahar id-dieħel.
SPORT EXTRA għandu produzzjoni u preżentazzjoni ta’ Charles Camenzuli b’muntaġġ tas-servizzi minn Samira Cachia Spiteri u filmati minn Liam Briffa , Stephen Christoper Vella u Karl Fenech.
