Ġermaniża ta’ 29 sena residenti Ħal Tarxien qed isofri feriti gravi wara li 7.30pm wara inċident tat-traffiku fi Triq San Anard, Ħaż-Żabbar.
Mill-ewwel investigazzjonijiet irriżulta li l-mara, intlaqtet minn Honda Fit li kienet qed tinstaq minn mara ta’ 59 sena residenti l-Mosta.
Il-vittma ngħatat l-għajnuna minn tim mediku, ittieħdet l-isptar b’ambulanza u ġiet iċċertifikata li weġġgħet gravi.
Il-Pulizija għaddejja bl-investigazzjonijiet fuq il-każ.
