Panel li kkonduċa inkjesta li investiga r-ribelljoni tas-6 ta’ Jannar fil-kungress Amerikan magħruf bħala l-Capitol u tefa’ t-tort fuq Donald Trump fejn ħareġ li l-attakk li fih mietu erba’ persuni waqt li weġġgħu 100 b’erba’ pulizija jikkommettu suwiċidju ftit wara kawża tat-trawma. ma kien spontanju xejn. Dan ħareġ meta l-Kamra tar-Rappreżentanti, li hija mmexxija mid-Demokratiċi, bdiet tippreżenta l-provi li ġabret.
Ingħad li dan kien “attentat ta’ kolp ta’ stat” u li seħħ riżultat dirett tal-isforz tal-president li tilef elezzjoni Presidenzjali u li kellu l-iskop biex ibiddel ir-riżultat tal-elezzjoni tal-2020. Filmat ta’ 12-il minuta li qatt ma deher qabel tal-vjolenza fatali miċ-ċirku ta’ ġewwa ta’ Trump, fejn il-pajjiż spiċċa maqsum u li l-gideb ripetut ta’ Donald Trump dwar il-frodi elettorali u l-isforz pubbliku tiegħu bl-iskop li jwaqqaf ir-rebħa ta’ Joe Biden wassal biex dan l-attakk ipperikola d-demokrazija Amerikana.
Fix-xhieda tal-eks Avukat Ġenerali Bill Barr dan tenna li d-dikjarazzjoni ta’ Trump li l-elezzjoni kienet misruqa kienet bla bażi. Xehdet ukoll Caroline Edwards, Pulizija, li spjegat kif ġiet mgħajra “traditur” u “kelba” qabel ma ġiet attakkata u ntilfet minn sensiha. Hija xehdet ukoll kif il-kollega tagħha Brian Sicknik sofra żewġ puplesiji wara li kien attakkat u miet l-għada.
Bennie Thompson, Demokratiku ta’ Mississippi u president tal-panel, ippreżenta s-sejbiet inizjali tal-kumitat li Trump mexxa “konfoffa mifruxa, f’diversi stadji mmirata biex taqleb l-elezzjoni presidenzjali”. Il-viċi president tal-panel, Liz Cheney, sejħitilha “pjan sofistikat ta ‘seba’ partijiet” u u qalet ukoll li Trump kien “xgħel il-fjamma ta’ dan l-attakk”.
L-avvenimenti tas-6 ta’ Jannar kienu “il-qofol ta’ attentat ta’ kolp ta’ stat, tentattiv sfaċċat” biex jitwaqqa’ l-gvern,” qal Thompson. “Il-vjolenza ma kinitx inċident.” “Id-demokrazija tibqa’ fil-periklu,” huwa qal fis-seduta. Il-panel ta’ investigaturi sab li-eks President Amerikan Donald Trump orkestra l-irvellijiet f’“attentat ta’ kolp ta’ stat”.
Bennie Thompson, Demokratiku, qal li l-irvell ipperikola d-demokrazija Amerikana. Il-partitarji ta’ Trump kienu daħlu fil-Kungress kienu vjolenti u anke attakkaw uffiċċjali. Wara kważi sena ta’ investigazzjoni, il-kumitat magħżul tal-Kamra tar-Rappreżentanti tal-Istati Uniti mmexxi mid-Demokratiċi fetaħ il-Ħamis filgħaxija billi wera filmati minn intervisti li twettaq minn membri taċ-ċirku intern ta’ Trump.
Trump diġà ta x’jifhem li huwa se jikkontesta għall-elezzjoni presidenzjali tal-2024 u r-Repubblikani iddeskrivew l-inkjesta bħala tentattiv tad-Demokratiċi li jdawru l-attenzjoni minn fuq is-sitwazzjoni fil-pajjiż.
