Raġel ta’ 40 sena mill-Furjana nżamm arrestat, wara li kien akkużat li attakka u darab intenzjonalment lis-sieħba tiegħu b’biċċa ħġieġa ta’ mera imkissra waqt argument domestiku. Quddiem il-Maġistrat Ian Farrugia deher missier ta’ żewġt itfal, li ismu ma jistax jiġi ppubblikat minħabba ordni tal-Qorti, akkużat li attakka lill-mara, li kkaġunalha ġrieħi gravi, kif ukoll li ssuġġettaha għal avvanzi sesswali mhux mixtieqa u degradanti.
L-Ispettur, Eman Hayman spjega kif il-pulizija kienet irċeviet rapport ta’ għajjat u ħsejjes ta’ ġlied li nstemg]u mir-residenza tal-akkużat is-Sibt waranofsinhar. Uffiċjali ntbagħtu biex jinvestigaw ir-rapport u kienu sabu mara, aktar tard identifikata bħala omm l-allegata vittma, barra l-propjetà, tħabbat mal-bieb u tgħajjat biex titħalla tidħol.
L-uffiċjali kellhom jisfurzaw il-bieb [ewwa biex jiksbu aċċess għar-residenza, fejn kienu skoprew lill-akkużat, bla ħwejjeġ u fl-att li jattakkaw lill-vittma b’biċċa ħġieġa, huwa qal. Il-ġrieħi tal-mara ġew ikkawżati b’biċċa ħġieġa minn mera miksura, spjega l-ispettur.
L-Ispettur Hayman hawn talab lill-qorti biex tittratta lill-akkużat bħala reċidiv u biex toħroġ ordni ta’ protezzjoni favur l-allegata vittma. L-Avukat Matthew Xuereb, li deher bħala avukat difensur tal-akkużat, staqsa lill-Ispettur jekk il-vittma qattx ippreżenta rapport tal-pulizija dwar l-akkużat.
Le, wieġeb l-ispettur, filwaqt li żied madankollu, li l-filmati mill-body cam tal-uffiċjali li arrestawh jitkellmu waħedhom. L-avukat staqsa għaliex il-klijent tiegħu kien ġie akkużat bi ġrieħi gravi meta l-ġrieħi ġew iċċertifikati bħala ħfief minn tabib.
L-ispettur wieġeb li ma qabilx mal-valutazzjoni tat-tabib u għalhekk akkuża lir-raġel li kkaġuna ġrieħi gravi. L-allegata vittma kienet tkellimha mill-pulizija u kienet ta wkoll rendikont dettaljat tal-inċident lit-tabib li qed jeżamina, qal l-ispettur.
“Il-filmat li rajt wera li l-mara kienet ilha tgħajjat għall-għajnuna minn wara l-bieb. Meta l-bieb infetaħ sfurzat, il-mara kienet għannqet lill-uffiċjali tal-pulizija, żied jgħid. Xuereb staqsa wkoll jekk il-vittma attendietx għal ‘follow-up’ appuntament mal-eżaminatur mediku tal-qorti.
L-Ispettur qal li sa issa ma kienx ingħata risposta mill-espert tal-qortil. Mistoqsi mid-difiża dwar jekk ir-raġel deherx li kien taħt l-influwenza ta’ xi sustanzi fil-ħin tal-arrest, l-ispettur wieġeb b’deskrizzjoni ta’ dak li kien irreġistrat. “Rajt il-filmat u l-akkużat ma kienx qed jagħmel sens, kliem vojt, diskors ta’ persuna li ma riedx jitkellem. Instab għarwien,” spjega l-ispettur, qabel ma d-difiża interrompitu.
Xuereb talab il-ħelsien mill-arrest, bit-talba nlaqgħet minn oġġezzjoni ta-ispettur fid-dawl tan-natura gravi tal-akkużi, il-karattru tiegħu u l-“kontroll totali” li l-akkużat allegatament eżerċita fuq l-allegata vittma. Xuereb qal li l-każ kien tabilħaqq delikat, iżda żied li s-sieħba tal-akkużat ma rieditx li l-pulizija tressaq lill-klijent tiegħu, li kien għaddej minn żminijiet diffiċli u kellu żewġt itfal u negozju xi jmexxi.
L-avukat sostna li l-każ kien “ivvintat kompletament mill-prosekuzzjoni, mill-A saż-Ż.” akkuża lill-ispettur li ċaħad il-parir espert u estrapola l-akkużi, u talab għall-ħelsien mill-arrest tal-klijent tiegħu fuq garanzija, anki jekk kontra kundizzjonijiet stretti tal-pleġġ.
Il-Qorti, iżda, ċaħdet it-talba fid-dawl tal-akkużi u l-kondotta kriminali tar-raġel, u qalet li dan wassal għal biża’ reali li l-akkużat jipprova jbagħbas jew jindaħal fil-provi, li kieku kellu jinħeles f’dan l-istadju. Il-qorti ordnat projbizzjoni fuq il-pubblikazzjoni tal-ismijiet tal-partijiet.
