L-NGOs tal-Ambjent Din L-Art Helwa, Flimkien għal Ambjent Ahjar, Għawdix, Moviment Graffitti u Wirt Għawdex saħħew il-battalja tagħhom kontra r-rovina ta’ Għawdex, u ppreżentaw protest ġudizzjarju kontra l-għoti ta’ permess biex tinbena pool fil-Wied Marsalforn. bħala parti mill-iżvilupp hekk allegat abbużiv mill-iżviluppatur Joseph Portelli.
Il-protest li ġie preżentant fil-Prim Awla tal-Qorti Ċivili jgħid li l-pjan lokali għandu jiġi rispettat u li l-ebda tidwir mal-liġi m’għandu jseħħ favur l-ispekulaturi biex jgħeleb dak li tgħid il-liġi jew a skapitu tal-interess pubbliku. L-iżvilupp ta’ tmien sulari diġà jikser il-Pjan Lokali Għawdex-Kemmuna, u l-politika DC15 li pprekludiet żviluppi kbar fuq arkitetturi protetti f’Għawdex.
“Fuq tmien sulari, dan l-iżvilupp huwa l-aktar proġett abbużiv fuq għoljiet naturali sa issa, peress li mhux biss ibiddel il-pajsaġġ, u jiddominah minn mili fil-madwar, minn fuq in-naħa tal-għoljiet, u dan kollu biex jakkomoda l-proġett,” qalu l-NGO’s.
Seduta ta’ ippjanar hija mistennija li ssir t-Tlieta, 14 ta’ Ġunju, se tikkonċerna t-tkabbir ta’ pool kbir u bini li jikkumpimentah li jiksru l-politika GZ-EDGE 2 tal-pjan lokali. L-NGOs qed jgħidu li l-pixxini mal-ġenb tal-wied f’dawn l-inħawi jeqirdu l-veġetazzjoni u s-siġar ta’ dan is-sit mhux mittiefes, u dan il-preċedent jista’ jwassal għal qerda ferm usa’ ta’ widien madwar Għawdex kollu.
“L-indikazzjonijiet huma li l-kummissjoni tal-ippjanar tal-Awtorità tal-Ippjanar se toħroġ il-permess, bi sfida għar-rakkomandazzjoni għal rifjut, xi ħaġa li qed isseħħ ripetutament fl-applikazzjonijiet ta’ Portelli,” qalu l-NGOs. Fil-fatt, fir-rapport tiegħu, id-direttorat tal-ippjanar tal-Awtorità tal-Ippjanar żamm sod li rrakkomanda rifjut ta’ din l-applikazzjoni minn Joseph Portelli u l-imsieħba tiegħu f’Ta’ Dirjanu – Agius – u s-sieħeb Daniel Refalo.
“Madankollu, fis-seduti preċedenti, deher ċar li l-Kummissjoni tal-Ippjanar għandha l-intenzjoni li tapprovaha kontra l-parir tekniku tal-Awtorità tal-Ippjanar. Aħna nsostnu li l-Pjan Lokali ratifikat legalment għandu jiġi rispettat u l-ebda ammont ta’ tidwir tal-pjanijiet favur l-ispekulaturi m’għandu jitħalla jegħleb il-liġi u l-interess pubbliku,” qalu l-NGOs.
