Minn serje fuq Netflix għal Reality Show – mid-dinja fittizja, għad-dinja reali.
Din hija l-qabża li se tagħmel il-produzzjoni popolari Squid Game, hekk kif Netflix żvelat il-pjan tagħha li toħloq reality show bi premju ta’ xejn anqas minn 4.5 miljun dollaru Amerikan.
Netflix diġa’ bdiet il-process ta’ reklutaġġ għall-parteċipanti; għalkemm il-kumpanija għamlitha ċara li l-ħajja tan-nies mhux se tkun mittiefsa – u allura, reality show li se jkun ferm ‘il bogħod mix-xeni li rajna fl-ewwel sensiela ta’ Squid Game.
